Հայտարարություն
Հարգելի Հաճախորդ,
Հայտնում ենք, որ Դուք իրավունք ունեք ստանալու հետևյալ տեղեկությունները «Էյչ-Էս-Բի-Սի Բանկ Հայաստան» ՓԲԸ-ի վերաբերյալ.
1) «Բանկերի և բանկային գործունեության մասին» Հայաստանի Հանրապետության օրենքի 20-րդ հոդվածի 3-րդ մասով, 43-րդ հոդվածի 2-րդ մասով սահմանված տեղեկությունները, մասնավորապես՝
- Բանկի վերջին տարեկան և վերջին եռամսյակային ֆինանսական հաշվետվությունները, ինչպես նաև տարեկան հաշվետվության վերաբերյալ արտաքին աուդիտի եզրակացության պատճենը,
- տարեկան ընդհանուր ժողովի գումարման հայտարարության պատճենը,
- շահութաբաժիններ վճարելու մասին որոշումների պատճենները, ինչպես նաև շահութաբաժնային քաղաքականության պատճենը,
- Բանկում նշանակալից մասնակցություն ունեցող մասնակիցների վերաբերյալ տեղեկատվություն,
- Բանկի խորհրդի և գործադիր մարմնի անդամների վերաբերյալ տեղեկատվություն,
- Բանկի պետական գրանցման վկայականի և կանոնադրության պատճենները,
- Օրենքով սահմանված այլ տեղեկատվություն:
2) «Արժեթղթերի շուկայի մասին» Հայաստանի Հանրապետության օրենքի 65-րդ հոդվածով սահմանված տեղեկությունները և փաստաթղթերի պատճենները:
Նշված տեղեկատվության և փաստաթղթերի պատճենների ստացման համար կարող եք դիմել Հաճախորդների սպասարկման բաժին:
Տեղեկատվությունը և փաստաթղթերի պատճենները Ձեզ կտրամադրվեն դիմելու պահից երեք աշխատանքային օրվա ընթացքում: Փաստաթղթերի պատճենների տրամադրման դեպքում Ձեզանից կգանձվի 50 ՀՀ դրամ վճար յուրաքանչյուր էջի համար:
Որպես կուտակային կենսաթոշակային համակարգի մասնակից՝ Դուք կարող եք ստանալ տեղեկություններ Ձեր կենսաթոշակային հաշվի վերաբերյալ հաշվի օպերատորի միջոցով՝ համաձայն Հայաստանի Հանրապետության «Կուտակային կենսաթոշակների մասին» օրենքի 17-րդ հոդվածի 1-ին կետի:
Վերջին թարմացման ամսաթիվը՝ 21.11.23, 07:55