Ինտերնետային բանկ ծառայություն

Կատարեք Ձեր ամենօրյա բանկային գործարքները շաբաթը 7 օր, օրվա մեջ 24 ժամ. ցանկացած տեղում և ցանկացած ժամանակ:

Ինտերնետ բանկային ծառայությունը թույլ է տալիս Ձեզ անընդհատ վերահսկել Ձեր միջոցները: Կարող եք ցանկացած պահի դիտել և կառավարել Ձեր հաշիվները՝ տնից, գրասենյակից կամ ճանապարհորդելիս:

Ինչ կարող եք անել ինտերնետ բանկային ծառայության միջոցով

  • Ինտերնետի միջոցով կարող եք մուտք գործել Ձեր հաշիվներ շաբաթը 7օր, օրը 24 ժամ
  • Ձեր դրամական միջոցների հուսալի կառավարում աշխարհի ցանկացած անկյունից
  • Անվճար փոխանցումներ HSBC Բանկ Հայաստանի հաշիվների միջև
  • ՀՀ դրամով անվճար փոխանցումներ դեպի Հայաստանի այլ բանկեր
  • Բոլոր հիմնական արժույթներով փոխանցումներ տարբեր ուղղություններով
  • Մնացորդի և գործարքների վերաբերյալ անվճար հարցումներ

Հարկավոր իմանալ Ինտերնետ բանկային ծառայության մասին

Մոբայլ բանկ ծառայություն

Հաշիվների պարզ և ապահով կառավարում iPhone®, iPad® և Android TM սարքերի միջոցով:

Ինչ կարող եք անել բջջային հեռախոսի միջոցով

  • Կատարեք փոխանցումներ Հայաստանում և արտերկրում գտնվող շահառուներին
  • Ստուգեք Ձեր հաշվիվների մնացորդը և վերջին 90 գործարքները
  • Կատարեք վճարումներ Կրեդիտ քարտով
  • Ուղարկեք և ստացեք հաղորդագրություններ բանկից
  • Բացեք ժամկետային ավանդ
  • Մուտք գործեք Բջջային հավելվածի գաղտնաբառի կամ HSBC անվտանգության սարքի օգնությամբ1
  • HSBC Մոբայլ բանկ կարող եք մուտք գործել նաև Կենսաչափական նույնականացման միջոցով՝ Face ID (դեմքի նույնականացում) կամ Touch ID (մատնահետքի նույնականացում):
    Face ID-ն ներկայումս հասանելի է միայն Apple iPhone X և ավելի նոր սարքերում, իսկ Touch ID-ն՝ iOS 10.1.1 կամ ավելի նոր օպերացիոն համակարգով գործող Apple iPhone 5s կամ ավելի նոր սարքերում:

1Հավելվածի որոշ յուրահատկություններ հասանելի են միայն անվտանգության սարքի միջոցով մուտք գործելու դեպքում:

Ինչպես սկսել

Մոբայլ բանկային ծառայությունը հասանելի է, եթե Դուք արդեն գրանցված եք ինտերնետային բանկային ծառայությանը:

  1. Ստեղծեք Բջջային հավելվածի գաղտնաբառ HSBC ինտերնետային բանկային համակարգի Ծառայություններ բաժնում
  2. Ներբեռնեք «HSBC Mobile Banking» հավելվածը App Store SM կամ Google Play TM հարթակից:
  3. Մուտք գործեք հավելված

Հարկավոր իմանալ Մոբայլ բանկային ծառայության մասին

Հեռախոսային բանկային ծառայություն

Պարզ և ապահով

Ընդամենը մեկ հեռախոսազանգ և Ձեր գործարքները կիրականացվեն առավելագույնս արագ և ապահով կերպով:

Սա Ձեր բանկային գործարքներն իրականացնելու պարզ և ապահով ճանապարհ է: Պարզապես զանգահարեք +374 (60) 655 000 հեռախոսահամարով, նշեք Ձեզ նախընտրելի լեզուն և սկսեք օգտվել HSBC Բանկ Հայաստանի Հեռախոսային բանկային ծառայությունից:

Ծառայությունը հասանելի է շուրջօրյա, շաբաթական 7 օր, առանց հանգստյան օրերի: Զանգահարեք ցանկացած վայրից, ցանկացած ժամի, և ձայնային հրահանգները կօգնեն Ձեզ միանալ Հեռախոսային կենտրոնի աշխատակիցներին:

Գրանցում

Այս ծառայությանը կարող եք բաժանորդագրվելու համար անհրաժեշտ է այցելել HSBC Բանկ Հայաստանի մոտակա մասնաճյուղ և ստորագրել «Հեռախոսային կապի միջոցով ներկայացված հանձնարարականների կատարման համաձայնագիր»:

Անվտանգություն

Ձեր գործարքների անվտանգությունն ապահովելու նպատակով բոլոր խեռախոսազանգերը, առանց բացառության, ձայնագրվում են և պահպանվում էլեկտրոնային տեսքով: Ձեր բոլոր գործարքներն արտացոլվում են նաև Ձեր հաշվի քաղվածքներում: Նախքան որևէ գործարք կատարելը Ձեզ կտրվեն անվտանգության հարցեր՝ Ձեր անձը նույնացնելու նպատակով:

Հարկավոր իմանալ հեռախոսային բանկային ծառայության մասին

Կանխիկի մուտքագրման բանկոմատ

Խուսափեք հերթերից և խնայեք Ձեր ժամանակը:

Կանխիկի մուտքագրման բանկոմատի առանձնահատկությունները

  • Կանխիկ գումարի ակնթարթային մուտքագրում Ձեր հաշվին
  • Օգտագործման համար պարզ և հարմարավետ
  • Յուրաքանչյուր գործարքի ժամանակ հնարավոր է մուտքագրել առավելագույնը 80 թղթադրամ

Բանկոմատը գտնվում է մեր Գլխավոր գրասենյակում՝ Երևան, Տերյան փողոց 66 հասցեով:


Խնդրում ենք հաշվի առնել, որ՝
 

  • Բանկոմատն ընդունում է հետևյալ անվանական արժեքի թղթադրամներ՝  1,000, 5,000, 10,000, 20,000 և 50,000 ՀՀ դրամ2
  • Ձեր բանկոմատային քարտին կցված յուրաքանչյուր հաշիվ կարող եք օրական մուտքագրել առավելագույնը 1 միլիոն ՀՀ դրամ
  • Դուք կարող եք կատարել ՀՀ դրամի մուտքագրում Ձեր բանկոմատային քարտին կցված արտարժութային հաշիվներին: Գումարը կմուտքագրվի Ձեր արտարժութային հաշվին Բանկի փոխարժեքի հիման վրա:

2Բանկոմատը չի ընդունում 1999 և 2012 թվականներին թողարկված 5,000 ՀՀ դրամ անվանական արժեքով թղթադրամները, ինչպես նաև 100,000 ՀՀ դրամ անվանական արժեքով թղթադրամները: Այդ թղթադրամները կարող են մուտքագրվել Ձեր հաշվին Բանկի ցանկացած մասնաճյուղում:

Վերջին թարմացման ամսաթիվը՝ 16/01/2019 12:00