Հաշվի բացման/փակման ընթացակարգ
Բանկում խնայողական հաշվի բացման համար անհրաժեշտ է ներկայացնել հետևյալ փաստաթղթերը՝1
ՀՀ քաղաքացիների և ՀՀ-ում բնակության իրավունք ունեցող և ՀՀ-ում բնակվող օտարերկրյա քաղաքացիների, քաղաքացիություն չունեցող անձանց և փախստականի կարգավիճակ ունեցող անձանց համար՝
- Հաշվի բացման դիմում` ստորագրված ֆիզիկական անձի կողմից
- Անձնագիր/անձը հաստատող այլ փաստաթուղթ2 3
- Հանրային ծառայությունների համարանիշի վերաբերյալ հետևյալ փաստաթղթերից մեկը. նույնականացման քարտ, հանրային ծառայությունների համարանիշ (սոցիալական ապահովության քարտ), հանրային ծառայությունների համարանիշ չստանալու վերաբերյալ ՀՀ լիազոր մարմնի կողմից տրամադրված տեղեկանք, հանրային ծառայությունների համարանիշ ստանալու վերաբերյալ ՀՀ լիազոր մարմնի կողմից տրամադրված տեղեկանք
Օտարերկրյա քաղաքացիների համար՝
Հաշիվը բացվում է Հաճախորդի կողմից պատշաճ ստորագրված դիմումի հիման վրա և համապատասխան բոլոր փաստաթղթերի առկայության դեպքում: Հաշիվը բացվում է դիմումի և հաշվի բացման նպատակով պահանջվող բոլոր փաստաթղթերի ներկայացման օրը և կարող է օգտագործվել Հաճախորդի կողմից բացման պահից: Լրացուցիչ փաստաթղթեր պահանջելու դեպքում այդ փաստաթղթերի ուսումնասիրությունը և, համապատասխանաբար, հաշվի բացումը կարող է տևել մինչև 90 օրացուցային օր: Բանկի Ինտերնետային/Մոբայլ բանկային ծառայություններից օգտվող Հաճախորդները կարող են լրացուցիչ հաշիվների բացումն իրականացնել նաև Ինտերնետային/Մոբայլ բանկային ծառայությունների միջոցով:
Հաճախորդն իրավունք ունի ցանկացած ժամանակ փակել իր հաշիվը` այդ մասին Բանկին նախապես գրավոր ծանուցելով և մարելով Բանկի նկատմամբ ունեցած իր պարտավորություններն ամբողջությամբ: Բանկային հաշվի փակման ընթացքում լրացվում է համապատասխան հաշվի փակման դիմումը, որտեղ նշվում են հաշվին առկա դրամական միջոցների մնացորդի նկատմամբ իրականացվող հետագա գործողությունները: Փակվող հաշվի մնացորդը կարող է վճարվել Հաճախորդին կանխիկի, ցպահանջ մուրհակի ձևով կամ վերջինիս ցուցումով փոխանցվել այլ հաշվի՝ ՀՀ օրենսդրությամբ սահմանված ժամկետներում:
Բանկը հաշիվը փակում է համապատասխան հաշվի փակման դիմումը ստանալուց հետո առավելագույնը երեք աշխատանքային օրվա ընթացքում, եթե ՀՀ օրենսդրությամբ կամ Բանկի ներքին ընթացակարգերով հաշվի օգտագործման կամ հաշվի փակման գործընթացը սահմանված ժամկետում կազմակերպելու հետ կապված սահմանափակումներ առկա չեն։
Զրոյական մնացորդով բանկային հաշիվները կարող են փակվել Բանկի կողմից վեց ամիս հետո: Բանկն իրավունք ունի նաև իր նախաձեռնությամբ փակել Հաճախորդի հաշիվը, եթե վերջինս թույլ է տվել բանկի կողմից սահմանված հաճախորդների բանկային հաշիվների, բանկային ավանդների, էլեկտրոնային բանկային ծառայությունների և բանկային այլ ծառայությունների մատուցման հիմնական պայմանների կամ իրավական ակտերի խախտումներ: Այդ դեպքում հաշվին առկա դրամական միջոցների մնացորդը տրվում է Հաճախորդին կանխիկի կամ ցպահանջ մուրհակի ձևով կամ վերջինիս ցուցումով փոխանցվում է այլ հաշվի՝ ՀՀ օրենսդրությամբ սահմանված ժամկետներում:
Խնայողական հաշվի փակման համար վճարներ չեն գանձվում։
Բանկային հաշիվների բացման և սպասարկման սակագներին կարող եք ծանոթանալ Ծառայությունների սակագներ հղումով:
Բանկային հաշիվների բացման/փակման ընթացակարգի մասին լրացուցիչ տեղեկություններին կարող եք ծանոթանալ Հիմնական պայմաններ հղումով։
1 Հաշվի բացման ընթացքում Բանկը կարող է պահանջել լրացուցիչ փաստաթղթեր:
2 Փաստաթղթի բնօրինակը վերադարձվում է Հաճախորդին, իսկ պատճենը պահվում է Բանկում:
3 Անձը հաստատող այլ փաստաթղթեր` համաձայն 22/12/1999 թ.-ի թիվ 767 ՀՀ կառավարության որոշման, բացառությամբ վերադարձի վկայականի՝ միայն ՀՀ վերադառնալու համար և ՀՀ լիազոր մարմնի կողմից ժամանակավորապես տրվող՝ անձը (ինքնությունը) հաստատող փաստաթղթի կամ ժամանակավոր վկայականի: