Ավտոտրանսպորտային միջոցների ապահովագրություն (ԿԱՍԿՈ)

Ապահովագրվող ռիսկերի փաթեթ

Ավտոտրանսպորտային միջոցների ապահովագրության փաթեթը (ԿԱՍԿՈ) ներառում է հետևյալ ռիսկերը`

Ավտոմեքենայի ֆիզիկական վնաս, այդ թվում` ճանապարհատրանսպորտային պատահարի կամ այլ արտաքին ազդեցության հետևանքով, հրդեհի, երրորդ անձանց անօրինական գործողությունների հետևանքով, այդ թվում`գողություն, կողոպուտ, առևանգում:

Գործում են հետևյալ ոչ պայմանական չհատուցվող գումարները

• Ապահովագրական գումարի 1%, ոչ պակաս քան 50,000 ՀՀ դրամ
  
• Եթե դեպքի պահին ապահովագրված ավտոտրանսպորտային միջոցը վարել է 2-3 տարվա վարորդական փորձ ունեցող անձը, ապա չհատուցվող գումարը կկազմի ապահովագրական գումարի 2%-ը, բայց ոչ պակաս քան 100,000 ՀՀ դրամ, իսկ 6 ամսից մինչև 2 տարի վարորդական փորձի դեպքում` ապահովագրական գումարի 3%-ը, բայց ոչ պակաս, քան 150,000 ՀՀ դրամ:
• Ապահովագրություն չի տրամադրվում վեց ամսից պակաս վարորդական փորձ ունեցող վարորդներին
• Գողության դեպքում չհատուցվող գումարը կազմում է ապահովագրական գումարի 5%-ը եթե առկա է հակաառևանգիչ սարքավորում, հակառակ դեպքում` 10%

Ավտոմեքենայի ապահովագրության պայմանագիրը ձևակերպելու համար անհրաժեշտ են հետևյալ փաստաթղթերը

• Ապահովադրի անձնագրի պատճեն
• Սեփականատիրոջ անձնագրի պատճեն, եթե սեփականատերը ապահովադիրը չէ
• Լիազորված վարորդների անձնագրերը և վարորդական իրավունքները
• Մեքենայի տեխնիկական անձնագրի պատճեն
• Մեքենայի գնահատման ակտի, հաշիվ-ապրանքագրի կամ առքուվաճառքի պայմանագրի պատճեն (առկայության դեպքում): Հակառակ դեպքում հիմք է ընդունվում մեքենայի շուկայական արժեքը