Հիմնական բովանդակության սկիզբ

Բանկային ծառայություններից օգտվելու եղանակներ

Բանկային ծառայություններից օգտվելու պարզ եղանակներ՝ ինչպես մասնաճյուղում, այնպես էլ Օնլայն կամ մոբայլ բանկային ծառայությունների միջոցով։

Օնլայն բանկային ծառայություն

Կատարեք Ձեր ամենօրյա բանկային գործարքները շաբաթը 7 օր, օրը 24 ժամ` ցանկացած տեղում և ցանկացած ժամանակ:

Օնլայն բանկային ծառայությունը թույլ է տալիս Ձեզ անընդհատ վերահսկել Ձեր դրամական միջոցները: Կարող եք ցանկացած պահին դիտել և կառավարել Ձեր հաշիվները՝ տնից, գրասենյակից կամ ճանապարհորդելիս:

Ինչ կարող եք անել Օնլայն բանկային ծառայության միջոցով

  • Օնլայն միջոցով կարող եք մուտք գործել Ձեր հաշիվներ շաբաթը 7օր, օրը 24 ժամ
  • Ձեր դրամական միջոցների հուսալի կառավարում աշխարհի ցանկացած անկյունից
  • Անվճար փոխանցումներ HSBC Բանկ Հայաստանի հաշիվների միջև
  • ՀՀ դրամով անվճար փոխանցումներ դեպի Հայաստանի այլ բանկեր
  • Բոլոր հիմնական արժույթներով փոխանցումներ տարբեր ուղղություններով
  • Մնացորդի և գործարքների վերաբերյալ անվճար հարցումներ

Հարկավոր է իմանալ Օնլայն բանկային ծառայության մասին

Մոբայլ բանկային ծառայություն

Հաշիվների պարզ և ապահով կառավարում iPhone®, iPad® և Android TM սարքերի միջոցով:

Ինչ կարող եք անել բջջային հեռախոսի միջոցով

  • Փոխանցեք միջոցներ Հայաստանում և արտերկրում գտնվող շահառուներին
  • Ստուգեք Ձեր հաշիվների մնացորդը և վերջին 90 գործարքները
  • Կատարեք վճարումներ վճարային քարտով
  • Մուտք գործեք Բջջային հավելված գաղտնաբառի կամ HSBC անվտանգության սարքի օգնությամբ1
  • HSBC Մոբայլ բանկ հավելված կարող եք մուտք գործել նաև Կենսաչափական նույնականացման միջոցով՝ Face ID (դեմքի նույնականացում) կամ Touch ID (մատնահետքի նույնականացում)
    Face ID-ն ներկայումս հասանելի է միայն Apple iPhone X և ավելի նոր սարքերում, իսկ Touch ID-ն՝ iOS 10.3 կամ ավելի նոր օպերացիոն համակարգով գործող սարքերում, ինչպես նաև AndroidTM սարքերում, որոնք գործում են 6 կամ ավելի բարձր օպերացիոն համակարգով։

1Հավելվածի որոշ յուրահատկություններ հասանելի են միայն անվտանգության սարքի միջոցով մուտք գործելու դեպքում:

Ծառայության սակագներ

Ինչպես սկսել

Մոբայլ բանկային ծառայությունը հասանելի է, եթե Դուք արդեն գրանցված եք մեր Օնլայն բանկային ծառայությանը:

  1. Ներբեռնեք հավելվածը App Store SM կամ Google Play TM հարթակներից՝ մուտքագրելով «HSBC Հայաստան»:
  2. Բացեք հավելվածը Ձեր բջջային սարքում և հետևեք էկրանին հայտնվող հրահանգներին՝ այն կարգավորելու համար։

Ինչ է հարկավոր իմանալ Մոբայլ բանկային ծառայության մասին

Հեռախոսային բանկային ծառայություն

Պարզ և ապահով

Ընդամենը մեկ հեռախոսազանգ և Ձեր գործարքները կիրականացվեն առավելագույնս ապահով եղանակով:

Սա Ձեր բանկային գործարքներն իրականացնելու պարզ և ապահով ճանապարհ է: Պարզապես զանգահարեք +374 (60) 655 000 հեռախոսահամարով, նշեք Ձեր նախընտրելի լեզուն և սկսեք օգտվել HSBC Բանկ Հայաստանի Հեռախոսային բանկային ծառայությունից:

Ծառայությունը հասանելի է շուրջօրյա, շաբաթը 7 օր՝ առանց հանգստյան օրերի: Զանգահարեք ցանկացած վայրից, ցանկացած ժամի, և ձայնային հրահանգները կօգնեն Ձեզ միանալ Հեռախոսային կենտրոնի աշխատակիցներին:

Գրանցում

Այս ծառայությանը բաժանորդագրվելու համար անհրաժեշտ է այցելել HSBC Բանկ Հայաստանի մոտակա մասնաճյուղ և ստորագրել «Հեռախոսային կապի միջոցով ներկայացված հանձնարարականների կատարման համաձայնագիր»:

Անվտանգություն

Ձեր գործարքների անվտանգությունն ապահովելու նպատակով բոլոր հեռախոսազանգերը, առանց բացառության, ձայնագրվում են և պահվում էլեկտրոնային տեսքով: Ձեր բոլոր գործարքներն արտացոլվում են նաև Ձեր հաշվի քաղվածքներում: Նախքան որևէ գործարք կատարելը Ձեզ կտրվեն անվտանգության հարցեր՝ Ձեր անձը նույնականացնելու նպատակով:

Ինչ է հարկավոր իմանալ Հեռախոսային բանկային ծառայության մասին

Կանխիկի մուտքագրման բանկոմատներ

Խուսափեք հերթերից և խնայեք Ձեր ժամանակը:

Կանխիկի մուտքագրման բանկոմատների առանձնահատկությունները

  • Կանխիկի ակնթարթային մուտքագրում Ձեր հաշվին
  • Օգտագործման համար պարզ և հարմարավետ
  • Յուրաքանչյուր գործարքի ժամանակ հնարավոր է մուտքագրել առավելագույնը 200 թղթադրամ

Խնդրում ենք հաշվի առնել, որ՝

 

  • Բանկոմատն ընդունում է հետևյալ անվանական արժեքով թղթադրամներ՝ 1,000, 2,000, 5,000, 10,000, 20,000 ՀՀ դրամ2:
  • Ձեր բանկոմատային քարտին կարող եք օրական մուտքագրել առավելագույնը 1 միլիոն ՀՀ դրամ։
  • Դուք կարող եք կատարել ՀՀ դրամի մուտքագրում Ձեր բանկոմատային քարտին կցված արտարժութային հաշիվներին: Գումարը կմուտքագրվի Ձեր արտարժութային հաշվին Բանկի տվյալ պահին գործող փոխարժեքով:

2Բանկոմատը չի ընդունում 50,000 և 100,000 ՀՀ դրամ անվանական արժեքով թղթադրամները: Այդ թղթադրամները կարող են Ձեր հաշվին մուտքագրվել Բանկի ցանկացած մասնաճյուղում:

Կարևոր է իմանալ

  1. Բանկը կարող է Հաճախորդի վերաբերյալ տեղեկություններ հավաքագրել և տրամադրել HSBC Խմբի մեջ մտնող ընկերություններին և օտարերկրյա իրավասու մարմիններին՝ ֆինանսական հանցագործությունների ռիսկի կառավարման գործողությունների և հարկային համապատասխանության պարտավորություններն ապահովելու նպատակով: Նշված տեղեկությունների հավաքագրման և օգտագործման կարգը և պայմանները սահմանվում են Հիմնական Պայմաններին որպես Հավելված կցվող և Հիմնական Պայմանների անբաժանելի մասը կազմող «Ֆինանսական հանցագործության ռիսկի կառավարման գործողությունների և հարկային համապատասխանության կապակցությամբ Հաճախորդի վերաբերյալ տեղեկությունների հավաքագրման և օգտագործման պայմաններ» փաստաթղթով: Այդպիսի կանոնակարգերից է «Օտարերկրյա հաշիվների հարկային համապատասխանության ակտը» (ՕՀՀՀԱ), որն ուժի մեջ է մտել 2014 թ. հուլիսի 1-ից: Այս օրենսդրական ակտը, որի կիրառումն ապահովվում է Միացյալ Նահանգների կառավարության կողմից, ուղղված է հարկային համապատասխանության խթանմանը՝ կանխարգելելով, որ ԱՄՆ քաղաքացիներն իրենց եկամուտների և ակտիվների հարկումից խուսափելու նպատակով օգտվեն ոչ ամերիկյան ֆինանսական կազմակերպություններից և օտարերկրյա ձեռնարկություններից:
  2. Համաձայն Բանկի գործունեության սկզբունքների, ներքին կանոնակարգերի և «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքի պահանջների, ինչպես նաև միջազգային պատժամիջոցների հիման վրա ընդունված ներքին իրավական ակտերի պահանջների` Բանկն իրավունք ունի կասկածներ ունենալու դեպքում իր նախաձեռնությամբ ցանկացած հարցում կատարելու (այդ թվում՝ բանավոր) կամ պահանջելու լրացուցիչ տեղեկություններ կամ փաստաթղթեր: HSBC Safeguard-ն իրենից ներկայացնում է մի շարք գործընթացների ամբողջականություն, որն ուղղված է ուժեղացնել մեր բոլոր հաճախորդների պաշտպանությունը զեղծարարություններից և ֆինանսական հանցագործություններից գլոբալ համակարգերի և գործընթացների միջոցով: Այն իր մեջ ներառում է փողերի լվացման և սանկցիաներից խուսափելու դեմ պայքարի մեր հնարավորության ընդլայնում, քանի որ վերջիններս հաճախ հանդիսանում են բազմաթիվ ֆինանսական հանցագործությունների շարժիչ ուժը:
  3. Դուք կարող եք մեզ հետ հաղորդակցվել Ձեզ համար նախընտրելի եղանակով. փոստով կամ էլ. փոստով:

Վերջին թարմացման ամսաթիվը՝ 23.02.24, 04:44

Ծանոթացեք սոց․ մեդիայի մեր էջում վարքագծի հատուկ կանոններին։