Մոբայլ Բանկային ծառայության վերաբերյալ հաճախ տրվող հարցեր

Թե՛ Մոբայլ և թե՛ Օնլայն բանկային համակարգերը նախատեսված են մեր հաճախորդներին առաջադեմ առցանց ծառայություններ տրամադրելու համար: Երկու համակարգերն էլ գործում են մեկ ծրագրային հենքով, որի արդյունքում ցանկացած անհատական հարմարեցում, ինչպիսիք են շահառուների ավելացումը, վճարումների մտապահումը և այլն, որոնք կատարված են Օնլայն բանկային համակարգում, հասանելի են նաև Մոբայլ բանկային համակարգում: Մոբայլ բանկային համակարգն ունի որոշ գործառնական սահմանափակումներ: Կան որոշակի գործարքներ, որոնք չեն կարող իրականացվել Մոբայլ համակարգով և դրանք իրականացնելու համար անհրաժեշտ է մուտք գործել Օնլայն բանկային համակարգ:

Այս հավելվածը հասանելի է թե՛ սմարթֆոնների և թե՛ պլանշետների համար՝ iPhone®, iPad®, և iPod Touch, որոնք գործում են iOS 10 կամ ավելի բարձր օպերացիոն համակարգով, ինչպես նաև Android^TM, որը գործում է 5 կամ ավելի բարձր օպերացիոն համակարգով:

Հավելվածի ներբեռնման և օգտագործման ամբողջ ընթացքում անհրաժեշտ է Օնլայն կապի առկայություն: Հավելվածը հասանելի է համապատասխանաբար Apple AppStore^SM(Apple սարքերի համար), և Google Play^TM հարթակներում (Android^TM սարքերի համար): Մոբայլ հավելվածը ներբեռնելու համար անհրաժեշտ է որոնման դաշտում մուտքագրել «HSBC Armenia» և բերված ցանկից ընտրել HSBC-ի լոգոն կրող հավելվածը: Այնուհետև հետևեք էկրանին հայտնվող հրահանգներին հավելվածը ներբեռնելու, կարգավորելու և օգտագործելու համար:

Մոբայլ բանկային համակարգի գաղտնաբառ ստեղծելու համար անհրաժեշտ է մուտք գործել Օնլայն բանկային համակարգ: Վերոնշյալ գաղտնաբառը, Օնլայն բանկային ծառայության օգտագործողի անունը և SMS հաղորդագրության միջոցով ստացված մեկանգամյա PIN ծածկագիրն օգտագործվում են Հավելված մուտք գործելու համար անհրաժեշտ 6 նիշ պարունակող PIN կոդ ստեղծելու համար: Որպես այլընտրանք, մոբայլ հավելված մուտք գործելու համար անհրաժեշտ PIN կոդ ստեղծելու նպատակով Դուք կարող եք օգտագործել Ձեր օգտագործողի անունը և  անվտանգության սարքի միջոցով գեներացված ծածկագիրը:

Մոբայլ հավելվածից օգտվելու համար անհրաժեշտ է Օնլայն բանկային համակարգի օգտատեր լինել: Մոբայլ բանկային հավելվածն օգտագործելու համար Ձեզ անհրաժեշտ են Օնլայն բանկային համակարգի Ձեր Օգտագործողի անունը, Անվտանգության սարքը կամ Օնլայն բանկային համակարգի միջոցով ստեղծված Մոբայլ բանկային համակարգի գաղտնաբառը:

Դուք կարող եք ներբեռնել հավելվածն անվճար, սակայն հիշեք՝ Մոբայլ Բանկ հավելվածից  օգտվելու համար անհրաժեշտ է գրանցված լինել Օնլայն բանկային ծառայությանը: 

Այո, սակայն անվտանգության նկատառումներից ելնելով, անհրաժեշտ է հավելվածն օգտագործել միայն ապահով կապի դեպքում: Առանց ծածկագրի Wi-Fi-ի կամ հասարակական վայրերում առկա ինտերնետ կապի միջոցով միանալու դեպքում Դուք վտանգի եք ենթարկում Ձեր սարքը և Ձեր տվյալները: Անհրաժեշտ է զգուշավորություն ցուցաբերել՝ Ձեր սարքի անվտանգությունն ապահովելու համար: Բացի այդ, Ձեր մոբայլ օպերատորը կարող է համապատասխան վճար գանձել՝ Մոբայլ Բանկ հավելվածն օգտագործելու ժամանակ Օնլայն կապից օգտվելու համար: Արտերկրում հավելվածն օգտագործելու դեպքում այդ վճարները կարող են փոփոխվել: Բանկը կարող է սահմանափակումներ կիրառել որոշ երկրներում Մոբայլ Բանկ հավելվածն օգտագործելու կամ ներբեռնելու նկատմամբ:

Այո, Մոբայլ Բանկային ծառայություն մուտք գործելու համար Ձեզ անհրաժեշտ է ստեղծել 6 նիշ պարունակող PIN կոդ՝ օգտագործելով Ձեր Օնլայն բանկային ծառայության գործող օգտագործողի անունը և Օնլայն բանկային համակարգի անվտանգության սարքի միջոցով գեներացված ծածկագիրը: Բացի վերոհիշյալ տվյալներից, Դուք կարող եք նաև Օնլայն բանկային համակարգի միջոցով ստեղծել Մոբայլ Բանկային գաղտնաբառ և օգտագործել տվյալ գաղտնաբառը, Օնլայն բանկային ծառայության օգտագործողի անունը և SMS հաղորդագրության միջոցով ստացված մեկանգամյա PIN ծածկագիրը՝ Հավելված մուտք գործելու համար անհրաժեշտ 6 նիշ պարունակող PIN կոդն ստեղծելու համար:

Ոչ, եթե սխալ մուտքագրումների արդյունքում Ձեր Մոբայլ բանկային ծառայության մուտքային տվյալներն արգելափակվել են, ապա Դուք չեք կարող մուտք գործել Օնլայն բանկային համակարգ: Ձեր մուտքային տվյալներն ապաբլոկավորելու և Օնլայն կամ Մոբայլ բանկային համակարգ մուտք գործելու համար անհրաժեշտ է կապ հաստատել Օնլայն բանկային համակարգի աջակցության կենտրոնի հետ՝ զանգահարելով +374 (60) 655 444 հեռախոսահամարով:

Մենք ապահովում ենք, որ Ձեր հաշիվների վերաբերյալ ոչ մի տեղեկություն չպահպանվի բջջային սարքի մեջ: Ամեն անգամ, երբ մուտք եք գործում հավելված և ճշգրիտ մուտքագրում եք Ձեր անվտանգության տվյալները, Դուք անվտանգ կերպով կապ եք հաստատում մեր սերվերների հետ: Գործարքներն ավարտելուց հետո անհրաժեշտ է դուրս գալ համակարգից «Ելք»-ի միջոցով: Անվտանգության նկատառումներից ելնելով պետք է զգույշ լինել՝ հասարակական վայրերում բջջային սարքն օգտագործելիս: Ձեր մոբայլ սարքը պաշտպանելու համար PIN կոդ կամ գաղտնաբառ օգտագործեք՝ կանխարգելելու երրորդ անձի կողմից Ձեր կորցրած կամ գողացված սարքի օգտագործումը:
 

Ձեր գաղտնաբառերը և անվտանգության տվյալներն ապահով տեղում պահեք, որպեսզի Ձեր էլեկտրոնային հաշիվները հասանելի չլինեն երրորդ անձանց: Գաղտնաբառը պետք է լինի յուրօրինակ և շատ լավ պաշտպանված: Խիստ կարևոր է չգրանցել գաղտնաբառերը և/կամ անվտանգության տվյալները Ձեր բջջային սարքի կամ պլանշետի մեջ: Եթե կասկածում եք, որ Ձեր գաղտնաբառը կամ անվտանգության տվյալները հայտնի են դարձել երրորդ անձի, կամ եթե կորցրել եք Ձեր սարքը, անհրաժեշտ է անմիջապես կապ հաստատել Բանկի հետ +374 (60) 655 444 հեռախոսահամարով, միևնույն ժամանակ խնդրում ենք անմիջապես փոխել Ձեր մոբայլ բանկային ծառայության գաղտնաբառը և մյուս անվտանգության տվյալները: 

Մոբայլ բանկային համակարգը 10 րոպե անընդմեջ չօգտագործելու դեպքում Ձեր աշխատանքային սեանսն ավտոմատ կերպով կդադարեցվի: Ի տարբերություն Օնլայն բանկային համակարգի, Մոբայլ համակարգում աշխատանքային սեանսի ավտոմատ դադարեցման վերաբերյալ ծանուցում առկա չէ։

Հավելվածում աշխատանքն ավարտելուն պես անհրաժեշտ է դուրս գալ համակարգից «Ելք» կոճակի միջոցով:

Հավելվածը պահվում է Ձեր սարքի հիշողության մեջ, ուստի SIM քարտը կամ բջջային օպերատորը փոխելիս, այն ոչ մի փոփոխության չի ենթարկվի: Եթե Դուք փոխում եք Ձեր սարքը, այդ դեպքում անհրաժեշտ է հեռացնել հավելվածը սարքից և ներբեռնել նոր սարքի մեջ: Սա ոչ մի կերպ չի ազդի Ձեր հաշվի կամ մուտքային տվյալների վրա, Ձեր գաղտնաբառը ևս կմնա նույնը:

Մոբայլ բանկային հավելվածով Դուք կարող եք կատարել հետևյալ գործարքները.

• Փոխանցումներ Ձեր հաշիվների միջև
• Փոխանցումներ երրորդ անձանց՝ HSBC Բանկ Հայաստանի, տեղական այլ բանկերի հաշիվներին
• Կրեդիտ քարտի վճարումներ այն շահառուներին, որոնց տվյալներն արդեն ավելացված են Օնլայն բանկային համակարգի միջոցով

Օնլայն բանկային համակարգում առկա վճարումների շահառուների տվյալները հասանելի են նաև Մոբայլ համակարգում, և Դուք կարող եք կատարել վճարումներ՝ ընտրելով ցանկում առկա շահառուներին: Սակայն եթե ցանկանում եք նոր շահառու ավելացնել, ապա անհրաժեշտ է մուտք գործել Օնլայն բանկային համակարգի «Փոխանցում» բաժին, ընտրել «Նոր վճարում HSBC Հայաստանի կրեդիտ քարտին» և հետևել էկրանին հայտնվող հրահանգներին: Օնլայն բանկային համակարգում նոր շահառու ավելացնելու համար Ձեզ անհրաժեշտ կլինի Ձեր անվտանգության սարքը:

Մոբայլ հավելվածի միջոցով հնարավոր է կատարել հետևյալ փոխանցումները՝

1. Փոխանցումներ HSBC Բանկում սպասարկվող Ձեր հաշիվների միջև
2. Փոխանցումներ HSBC Բանկում սպասարկվող այլ հաշիվների
3. Փոխանցումներ ՀՀ այլ բանկերում սպասարկվող հաշիվների

Օնլայն բանկային համակարգի միջոցով հիշված փոխանցումները նույնպես հասանելի են Մոբայլ Բանկային համակարգում:

Մոբայլ հավելվածի միջոցով Դուք կարող եք նաև կատարել ապագա ամսաթվով փոխանցումներ, սակայն պարբերական փոխանցումներ ստեղծելու հնարավորությունը հասանելի է միայն Օնլայն բանկային համակարգում:

Դուք կարող եք իրականացնել գործարքների մեծամասնությունն առանց անվտանգության սարքի օգտագործման, սակայն այնուամենայնիվ որոշակի գործարքներ կատարելու դեպքում՝ ինչպիսիք են օրինակ երրորդ անձանց կատարվող նոր փոխանցումները, համակարգի կողմից կպահանջվի մուտքագրել Ձեր անվտանգության սարքով գեներացված ծածկագիրը: