Ինտերնետային բանկային ծառայության վերաբերյալ հաճախ տրվող հարցեր

Օնլայն բանկային ծառայությունը օնլայն համակարգ է, որը հնարավորություն է ընձեռում ապահով եղանակով կատարել բանկային գործարքներ Բանկի պաշտպանված Օնլայն կայքի միջոցով: Որո՞նք են առավելությունները: Այլևս սահմանափակված չեք լինի Բանկի աշխատանքային ժամերով/օրերով և ստիպված չեք լինի Ձեր ժամանակը վատնել հերթերում: Այս ծառայությունը բանկային գործարքներ իրականացնելու թերևս ամենադյուրին և հարմարավետ եղանակն է, որը հասանելի է օրական 24 ժամ, շաբաթվա բոլոր օրերին, տարեկան 365 օր: Համակարգը թույլ է տալիս օնլայն եղանակով դիտել «Էյչ-Էս-Բի-Սի Բանկ Հայաստանում» սպասարկվող Ձեր բոլոր հաշիվները` ներառյալ մնացորդները, քաղվածքները, վճարումների մանրամասները և այլն: Այն ապահով է և ամենակարևորը` Դուք կարող եք օգտագործել այն այնքան հաճախ, որքան ցանկանում եք:

Համակարգի առավելություններից են նաև.

• Ձեր գումարների ավելի ճկուն կառավարում
  
• Հաշիվների ապահով օգտագործում տանից կամ արտասահմանից
  

Ինտերնետային բանկային ծառայությունը Ձեզ հնարավորություն է ընձեռում ավելի դյուրին կառավարել Ձեր հաշիվները: Այն նաև ապահովում է հսկողության ավելի բարձր մակարդակ մնացորդների, փոխանցումների և ժամկետային ավանդների նկատմամբ: Ծառայության բազմաթիվ հնարավորությունները ներառում են.

• Դիտել «Էյչ-Էս-Բի-Սի Բանկ Հայաստանում» սպասարկվող Ձեր հաշիվներն օրական 24 ժամ, շաբաթվա բոլոր օրերին
• Կատարել բանկային գործարքներ, ստուգել մնացորդները և հաշիվների պատմությունը
• Կատարել փոխանցումներ Ձեր հաշիվների միջև կամ ցանկացած հաշվին ամբողջ աշխարհում
• Կատարել վարկի մարումներ, այդ թվում՝ ներկայացնել վարկի վաղաժամկետ մարման հանձնարարականներ և փոփոխել Ձեր վարկի ամսական մարման ժամանակացույցը
  
• Բացել ժամկետային ավանդներ ՀՀ դրամով, ԱՄՆ դոլարով և Եվրոյով
• Կատարել կրեդիտ քարտերի վճարումներ
• Ստեղծել և հեռացնել պարբերական/ապագա փոխանցումներ/վճարումներ
• Ստանալ SMS ծանուցումներ գործարքների և հաշիվների վերաբերյալ
• Ստանալ հենց Ձեր համար նախատեսված տեղեկատվություն/առաջարկներ բանկային ծառայությունների վերաբերյալ
• Ուղարկել և ստանալ ծածկագրված հաղորդագրություններ

Ինտերնետային բանկային ծառայությունը տրամադրվում է հայերեն և անգլերեն: Ծառայության յուրաքանչյուր էջի վերևի աջ անկյունում գոյություն ունի հղում դեպի համակարգի հայերեն և անգլերեն տարբերակները:

Ծառայության վերաբերյալ աջակցություն ստանալու բազմաթիվ եղանակներ գոյություն ունեն: Օնլայն բանկային ծառայության յուրաքանչյուր բաժնի վերևի աջ անկյունում գոյություն ունի “Օգնություն” հղում, որը ոչ միայն տրամադրում է ամբողջական տեղեկատվություն Ծառայության բոլոր գործառույթների վերաբերյալ, այլ նաև պարունակում է օրինակներ և օգտակար խորհուրդներ:

Դուք նաև կարող եք մեզ հաղորդագրություն ուղարկել` օգտագործելով “Սպասարկման կենտրոն”-ի “Ուղարկել հաղորդագրություն” հղումը:

Կարող եք նաև զանգահարել Հեռախոսային կենտրոն +374 (60) 655 444 հեռախոսահամարով: Մեր աշխատակիցներն ուրախ կլինեն օգնելու Ձեզ: Մեր հեռախոսային կենտրոնն աշխատում է շուրջօրյա:

Ինտերնետային բանկային ծառայությունից օգտվելու համար անհրաժեշտ է.

Գործող հաշիվ

«Էյչ-Էս-Բի-Սի Բանկ Հայաստանում» սպասարկվող գործող հաշիվ և ԱԳՄ (ATM) քարտ: Ինտերնետային կայքում գրանցվելու համար անհրաժեշտ է Ձեր ԱԳՄ (ATM) քարտի տվյալները և անձնական ծածկագիրը (PIN):

Համակարգիչ

PC տեսակի համակարգչի չափանիշներ.

• MS Windows 2000/XP Home Edition/XP Professional Edition գործառնական համակարգ: Նախընտրելի է նշված համակարգերի ամենանոր տարբերակները
• Pentium (500 MHz) կամ ավելի հզոր պրոցեսոր
• 1024x768 լուսակետերի խտությամբ մոնիտոր
• 128MB կամ ավել օպերատիվ հիշողություն
• 52MB կամ ավել ազատ տարածություն կոշտ սկավառակակրի վրա

MAC տեսակի համակարգչի չափանիշներ.

• Mac OS X 10.4 կամ ավելի նոր գործառնական համակարգ
• 1024x768 լուսակետերի խտությամբ մոնիտոր
• Intel x86, PowerPC G3, G4, կամ G5 պրոցեսոր
• Առնվազն 128MB օպերատիվ հիշողություն
• 200B կամ ավել ազատ տարածություն կոշտ սկավառակակրի վրա

Անհրաժեշտ է նաև 128-bit ծածկագրման (encryption) մակարդակով զննարկիչ:

Ծառայությունը համատեղելի է հետևյալ զննարկիչների հետ.

• Internet Explorer 6
• Internet Explorer 7^*
• Mozilla Firefox 2 կամ ավելի նոր տարբերակ (PC տեսակի համակարգիչների համար)^**
• Mozilla Firefox 2.5 կամ ավելի նոր տարբերակ (MAC տեսակի համակարգիչների համար)^** 

Ծառայությունը կարող է նաև համատեղելի լինել այլ զննարկիչների դրանց տարբերակների հետ, սակայն խնդրում ենք ի նկատի ունենալ, որ այլ զննարկիչների օգտագործումը խիստ անցանկալի է, քանի որ այդ դեպքում դա անխուսափելիորեն կանդրադառնա ծառայության որակի և ապահովության մակարդակի վրա:

(*) Այս ծրագրային ապահովման նորագույն տարբերակները կարող են ներլցվել Microsoft®-ի հետևյալ կայքից` www.microsoft.com : Ծրագրային ապահովման տեղադրման հետ կապված բոլոր հարցերով խնդրում ենք դիմել Microsoft® ընկերությանը:

(**) Այս ծրագրային ապահովման նորագույն տարբերակները կարող են ներլցվել Mozilla-ի հետևյալ կայքից` www.mozilla.com : Ծրագրային ապահովման տեղադրման հետ կապված բոլոր հարցերով խնդրում ենք դիմել Mozilla ընկերությանը:.

Ծառայությանը բաժանորդագրվելու համար պետք է գրանցվել Էյչ-Էս-Բի-Սի-ի ինտերնետային կայքում: Գրանցման գործընթացը պարզ է և արագ։

1. Սեղմեք <<Գրանցվել ինտերնետային բանկային ծառայությանը>>
2. Համապատասխան դաշտերում մուտքագրեք Ձեր անունը և ազգանունը
3. Մուտքագրեք Ձեր ծննդյան օրը
4. Մուտքագրեք Ձեր 9 նիշ պարունակող հաճախորդի համարը (Ձեր բանկոմատային քարտի վրա դաջված առաջին 9 նիշերը)
5. Մուտքագրեք Ձեր բջջային հեռախոսահամարին ուղարկված 6 նիշ պարունակող մեկանգամյա անվտանգության ծածկագիրը
6. Ստեղծեք օգտագործողի անուն, որը պահանջվելու է Ինտերնետային բանկային ծառայություն յուրաքանչյուր անգամ մուտք գործելիս:
7. Ստեղծեք մոբայլ բանկային ծառայության գաղտնաբառ և հաստատեք այն
8. Ընտրեք անվտանգության հարց և մուտքագրեք անվտանգության պատասխան
9. Ձեր ուշադրությանը կներկայացվեն Ծառայության օգտագործման պայմանները: Խնդրում ենք ուշադիր ծանոթանալ և սեղմել “Շարունակել”, եթե ընդունում եք, հակառակ դեպքում սեղմել “Չեղարկել”: Չեղարկման դեպքում գրանցման գործընթացը կդադարեցվի:
10. Վերջին փուլում Դուք կտեսնեք գրանցման հաստատման էջը

Աջակցության կարիք ունենալու դեպքում խնդրում ենք զանգահարել մեր Հեռախոսային կենտրոն հետևյալ հեռախոսահամարով` +374 (60) 655 444:

Ոչ, գրանցման գործընթացը բարեհաջող ավարտելուց անմիջապես հետո Դուք չեք կարող մուտք գործել Ինտերնետային բանկային ծառայություն` պարզապես մուտքագրելով Ձեր նշանակած օգտագործողի անունն ու հիշվող պատասխանը: Ձեր իսկ ապահովության և անվտանգության համար Ինտերնետային բանկային ծառայության օգտագործումն ավտոմատ կերպով կասեցվում է մինչև այն պահը, երբ Դուք կստանաք Ձեր անվտանգության սարքը: Ձեր անվտանգության սարքն ստանալուց և ակտիվացնելուց անմիջապես հետո Ինտերնետային բանկային ծառայությունը պատրաստ է Ձեր օգտագործման համար:

Ձեր Անվտանգության սարքը օնլայն ռեժիմով ակտիվացնելու համար հետևեք ներքոնշյալ քայլերին`

1. Մուտքագրեք Ձեր օգտագործողի անունը և սեղմեք Շարունակել:
2. Մուտքագրեք ակտիվացման ծածկագիրը:
   
3. Մուտքագրեք Ձեր անվտանգության սարքի հետևի կողմում նշված սերիական համարը համապատասխան դաշտում:
4. Դուք պետք է սահմանեք անվտանգության սարքի PIN կոդը(անձնական գաղտնի համարը)՝ հետևելով էկրանին ներկայացված հրահանգներին: Ամեն անգամ անվտանգության սարքը օգտագործելիս Ձեզանից կպահանջվի մուտքագրել այն:
5. Գեներացրեք և մուտքագրեք 6 նիշից բաղկացած անվտանգության ծածկագիրը ՝ հետևելով էկրանին ներկայացված հրահանգներին և սեղմեք Շարունակել:
   

Ձեր Անվտանգության սարքը ակտիվացնելուն պես Դուք կարող եք օգտվել Ինտերնետային Բանկային ծառայություններից:

Լրացուցիչ տեղեկատվություն ստանալու համար զանգահարեք Ինտերնետային Բանկային Ծառայությունների սպասարկման կենտրոն +374 (60) 655 444 հեռախոսահամարով: Մեր հեռախոսային կենտրոնն աշխատում է շուրջօրյա:

"Անուն" և "Ազգանուն" դաշտերը խնդրում ենք լրացնել միայն Անգլերեն Այբբենական տառերով  (A-Z, a-z) և հետևյալ նիշերով՝  ' -",/().` բացատ։

Ձեր հաճախորդի համարը կարող եք գտնել ողջույնի նամակի մեջ,  կամ խնդրում ենք զանգահարել  Բանկ +37460655444 շուրջօրյա հեռախոսահամարով:

Հաշվեհամարը բաղկացած է 9 նիշից։ Խնդրում ենք մուտքագրել միայն թվեր հետևյալ ձևաչափով՝ 001012345։

Ակտիվացման կոդը կտրամադրվի համակարգում առկա Ձեր հեռախոսահամարին։

Խնդրում ենք զանգահարել Բանկ +37460655444 շուրջրօյա հեռախոսահամարով կամ մոտենալ մասնաճյուղ։

Խնդրում ենք ընտրել հետևյալ կոճակները՝ "Ակտիվացման կոդը ստացված չէ"  ապա "Ուղարկել նոր կոդ"։ Եթե դեռևս խնդիրը առկա է, խնդրում ենք զանգահարել Բանկ +37460655444 շուրջրօյա հեռախոսահամարով։

Խնդրում ենք պահանջել նոր ակտիվացման կոդ եթե տրամադրված կոդը սխալ է մուտքագրվել։

Եթե գրանցումը բլոկավորված է,խնդրում ենք սպասել  սխալ փորձերի ավտոմատ զրոյացմանը կամ զանգահարել Բանկ +37460655444 հեռախոսահամարով։

Խնդրում ենք զանգահարել Բանկ +37460655444 շուրջրօյա հեռախոսահամարով կամ մոտենալ մասնաճյուղ։

Ձեր օգտագործողի անունը պետք է լինել 6-30 նիշ, կարող է պարունակել անգլերեն այբբենական տառեր՝ a-z A-Z, նշաններ՝ _'.- և թվեր՝ 0-9:

Օգտագործողի անունը չի կարող ստեղծվել հայատառ։ Այն կարող է պարունակել անգլերեն այբբենական տառեր,հետևյալ նշանները՝ _'.- և թվեր՝ 0-9:

Գաղտնաբառը պետք է բաղկացած լինի 8-30 նիշերից և պարունակի անգլերեն այբբենական տառեր՝ a-z A-Z, նշաններ՝ ! $ * - . = ? @ _ ' և թվեր՝ 0-9:  Այն չպետք է պարունակի այնպիսի բառեր կամ արտահայտություններ ինչպիսիք են  password, 12345, qwerty, A1a2a3a4։ Գաղտնաբառը չպետք է համընկնի Ձեր այլ՝ HSBC բանկի համակարգերում գործող գաղտնաբառի հետ։

Պատասխանը պետք է բաղկացած լինի 3-30 նիշերից ևպարունակի անգլերեն այբբենական տառեր a-z A-Z, թվեր 0-9 և նշաններ՝ բացատ,  _ -. ?:  Այն չպետք է պարունակի այնպիսի բառեր կամ արտահայտություններ ինչպիսիք են  password, 12345, qwerty, A1a2a3a4։ Գաղտնաբառը չպետք է համընկնի Ձեր այլ՝ HSBC բանկի համակարգերում գործող գաղտնաբառի հետ։

Ոչ, խնդրում ենք օգտագործել միայն Ձեր բջջային հեռախոսահամարը։

Գաղտնաբառը պետք է բաղկացած լինի 5-75 նիշերից ևպարունակի անգլերեն այբբենական տառեր a-z A-Z, նշաններ՝ @_'.-? և թվեր 0-9:  Այն չպետք է պարունակի այնպիսի բառեր կամ արտահայտություններ ինչպիսիք են  password, 12345, qwerty, A1a2a3a4։ Գաղտնաբառը չպետք է համընկնի Ձեր այլ՝ HSBC բանկի համակարգերում գործող գաղտնաբառի հետ։

Գաղտնաբառի մուտքագրման էջում ընտրեք << Մոռացել եք գաղտնաբառը>> հղումը։ Գաղտնաբառը վերականգնելու և անվտանգության հարց ստեղծելու համար հետևեք հաջորդող հրահանգներին։ Այնուհետև Ձեզ կտրամադրվի կոդ , որն անհրաժեշտ կլինի ներկայացնել Հեռախոսային Կենտրոն կամ մասնաճյուղ Ձեր կողմից կատարված փոփոխությունները հաստատելու համար։

Անվտանգության սարքը փոքր գործիք է, որի օգնությամբ օգտագործողը հաստատում է իր ինքնությունն Ինտերնետային բանկային ծառայությունից օգտվելիս: Անվտանգության սարքն ապահովում է լրացուցիչ պաշտպանության, որը հայտնի է որպես կրկնակի նույնականացում. օգտագործողի անունը և հիշվող պատասխանը նույնականացնում են օգտագործողին որպես անվտանգության սարքի տեր: Սարքը, իր հերթին, գեներացնում է ծածկագիր, որը նույնականացնում է օգտագործողին Ինտերնետային բանկային ծառայությունում: Սարքի ծածկագիրը պարբերաբար փոխվում է և տարբեր է ամեն մուտքի կամ ռիսկային գործարքների հաստատման դեպքում:

Էյչ-Էս-Բի-Սի-ին մշտապես առավելագույն ուշադրություն է ցուցաբերում անվտանգության հարցերին: Անվտանգության սարքի Ձեր օգտագործումը նպատակ ունի պաշտպանել Ձեր հաշիվների չլիազորված օգտագործումից և ապահովել Ձեր տեղեկատվության գաղտնիությունը:

Ռիսկային գործարքներ իրականացնելու ժամանակ անվտանգության սարքն ապահովում է Ձեզ լրացուցիչ պաշտպանությամբ, օրինակ` փոխանցումներ կատարելիս կամ գաղտնի տեղեկատվություն դիտելիս: Կրկնակի նույնականացումը երաշխավորում է ռիսկային գործարքների կատարման էլ ավելի բարձր պաշտպանության աստիճան: Նույնիսկ այն դեպքերում, երբ անվտանգության սարքը գտնվում է այլ անձի մոտ, այն չի կարող օգտագործվել, քանի որ Ինտերնետային բանկային ծառայություն մուտք գործելու համար անհրաժեշտ են նաև օգտագործողի անունը և հիշվող պատասխանը, որոնք գիտի միայն ինքը` օգտագործողը:

• մշտապես պահեք Ձեր անվտանգության սարքն ապահով վայրում, այնպես, որ այն միշտ Ձեր ձեռքի տակ լինի
• հեռու պահեք Ձեր սարքը հեղուկներից և բարձր ջերմաստիճանի ազդեցությունից

Անվտանգության սարքի կորստի կամ գողության դեպքում դրա փոխարինումը Բանկի կողմից կատարվում է լրացուցիչ վճարի դիմաց:

Նման դեպքերում խնդրում ենք զանգահարել Հեռախոսային կենտրոն +374 (60) 655 444 հեռախոսահամարով: Հեռախոսային կենտրոնի աշխատանքային ժամերն են. Մեր հեռախոսային կենտրոնն աշխատում է շուրջօրյա:

Խնդրում ենք մոտենալ բանկի մասնաճյուղ անվտանգության սարքը վերցնելու համար։

Խնդրում ենք զանգահարել Բանկ +37460655444 շուրջրօյա հեռախոսահամարով կամ մոտենալ մասնաճյուղ։

Անվտանգության սարքի սերիական համարը կարող եք տեսնել սարքի ետևի մասի ձախակողմյան անկյունում։

Եթե սխալ գաղտնաբառ եք մուտքագրում, անվտանգության սարքի էկրանին կհայտնվի << FAIL1>> ։ Գաղտնաբառը 3 անգամ սխալ մուտքագրելու դեպքում, սարքի էկրանին կհայտնվի <<FAIL3>> և սարքը կբլոկավորվի։ Բլոկավորված անվտանգության սարքը միացնելու դեպքում էկրանին կհայտնվի յոթանիշ կոդ։  Գաղտնաբառը վերականգնելու համար խնդրում ենք կապ հաստատել բանկի հետ +37460655444 հեռախոսահամարով կամ մոտենալ մասնաճյուղ։

Ծառայության միջոցով Դուք կարող եք կատարել «Էյչ-Էս-Բի-Սի Բանկ Հայաստանի» կողմից թողարկված կրեդիտ քարտերի վճարումներ: Նախքան վճարում կատարելը, Դուք պետք է ավելացնեք կրեդիտ քարտը որպես շահառու: Շահառու ստեղծելու վերաբերյալ լրացուցիչ օգնություն ստանալու համար խնդրում ենք սեղմել “Օգնություն” հղումը “Ավելացնել շահառու” բաժնում:

Մենք կուղարկենք Ձեր վճարման հանձնարարականները դրանց ներկայացման օրը (այն դեպքում, եթե դրանք ներկայացվել են մինչև աշխատանքային օրվա ավարտը): Ձեր գործարքը կկատարվի 1-2 աշխատանքային օրվա ընթացքում: Խորհուրդ ենք տալիս կատարել Ձեր կրեդիտ քարտի վճարումները վճարման ամսաթվից առնվազն մեկ օր առաջ:

Ինտերնետային բանկային ծառայությունը թույլ է տալիս կատարել փոխանցումների հետևյալ տեսակներ.

• Միջհաշվային փոխանցում - փոխանցում «Էյչ-Էս-Բի-Սի Բանկ Հայաստանում» սպասարկվող Ձեր հաշիվների միջև
• Ներքին փոխանցում – փոխանցում Ձեր հաշվից «Էյչ-Էս-Բի-Սի Բանկ Հայաստանում» սպասարկվող այլ հաշվին
• Փոխանցում ՀՀ-ի տարածքում – փոխանցում Հայաստանի Հանրապետությունում գործող այլ բանկում սպասարկվող հաշվին
• Միջազգային փոխանցում - փոխանցում արտերկրում գործող բանկում սպասարկվող հաշվին
• Վարկի մարում – փոխանցում վարկային հաշվին` մարման տարբեր եղանակներով
  

Սահմանաչափերի բարձրացման/նվազեցման համար խնդրում ենք ուղարկել հաղորդագրություն Ինտերնետային բանկային ծառայության միջոցով:

Նշում՝ Սահմանաչափերի բարձրացման դիմումը ենթակա է համապատասխան հաստատման:

Ինտերնետային բանկային ծառայության այն վճարման հանձնարարականները, որոնք կներկայացվեն մինչև ստորև աղյուսակում բերված վերջնաժամկետները, կկատարվեն նույն օրը: Այն վճարման հանձնարարականները, որոնք կներկայացվեն գործարքների ներկայացման համապատասխան վերջնաժամկետներից հետո, ենթակա են կատարման հաջորդ աշխատանքային օրվա ընթացքում: Ոչ աշխատանքային օրերին (հանգստյան օրերին, տոներին և այլն) ներկայացված վճարման հանձնարարականները նույնպես ենթակա են կատարման հաջորդ աշխատանքային օրվա ընթացքում: Եթե ելքագրվող և մուտքագրվող հաշիվների արժույթները տարբեր են, և արժույթներից որևէ մեկի կամ երկուսի ներկայացման վերջնաժամկետը լրացել է, ապա նման գործարքներն ենթակա են կատարման հաջորդ աշխատանքային օրվա ընթացքում: 

Գործարքների վերահաստատման սահմանաչափը հավասար է 500,000 ՀՀ դրամի: Ձեր իսկ անվտանգության համար պահանջվում է մուտքագրել անվտանգության սարքի ծածկագիրը վերը նշված գործարքները կատարելիս:

Փոխանցում ՀՀ-ի տարածքում գործող բանկի կողմից սպասարկվող հաշվին կարող է կատարվել միայն տեղական արժույթով (ՀՀ դրամ): Եթե ցանկանում եք կատարել արտարժութային փոխանցում ՀՀ-ի տարածքում, ապա պետք է ընտրեք “Ստացողը ՀՀ տարածքից դուրս” տարբերակը համապատասխան բացվող ցանկից:

“Նույնն է, ինչ ելքագրվող հաշվինը” տարբերակն ընտրելու դեպքում մուտքագրված գումարը կլինի նույն արժույթով, ինչ ելքագրվող հաշիվն է (“Ուղարկող հաշիվ” դաշտը): Օրինակ` Ձեր ելքագրվող հաշվի արժույթը Եվրո է, և Ձեր փոխանցումն ԱՄՆ դոլարով է, “Գումար” դաշտում Դուք մուտքագրել եք 1000: “Նույնն է, ինչ ելքագրվող հաշվինը” տարբերակի ընտրությունը կնշանակի, որ շահառուին կփոխանցվի 1000 ԱՄՆ դոլարին համարժեք Եվրո: Այս դեպքում մենք կփոխանակենք 1000 Եվրո` համաձայն այդ պահի դրությամբ կիրառելի արժույթի փոխանակման փոխարժեքի և կկատարենք փոխանցումն ԱՄՆ դոլարով: Բոլոր կիրառելի գանձումները կկատարվեն ուղարկվող գումարից, քանի որ ըստ հանձնարարականի հաշիվը պետք է ելքագրվի 1000 Եվրոյի չափով: Միջազգային փոխանցման դեպքում “Նույնն է, ինչ ելքագրվող հաշվինը” տարբերակի պահումները կլինեն.

• Ես վճարում են ԲՈԼՈՐ գանձումները, շահառուն չի վճարում ՈՐԵՎԷ գանձում – «Էյչ-Էս-Բի-Սի- Բանկ Հայաստանի» և միջնորդ/ստացող բանկի գանձումները կկատարվեն ելքագրվող 1000 Եվրոյից,
• Ես վճարում են «Էյչ-Էս-Բի-Սի Բանկ Հայաստանի»` շահառուն` այլ բանկի գանձումները - ելքագրվող 1000 Եվրոյից կպահվեն միայն «Էյչ-Էս-Բի-Սի- Բանկ Հայաստանի» գանձումները:
  

“Նույնն է, ինչ ստացող հաշվինը” տարբերակն ընտրելու դեպքում մուտքագրված գումարը կլինի նույն արժույթով, ինչ մուտքագրվող հաշիվն է (“Ստացող” դաշտը): Օրինակ` վերը նշված պայմաններում “Նույնն է, ինչ ստացող հաշվինը” տարբերակի ընտրությունը կնշանակի, որ շահառուին կփոխանցվի 1000 ԱՄՆ դոլար: Մենք կփոխանակենք 1000 ԱՄՆ դոլարը Եվրոյի` համաձայն այդ պահի դրությամբ կիրառելի արժույթի փոխանակման փոխարժեքի, կելքագրենք այդ գումարը Ձեր Եվրոյի հաշվից և կփոխանցենք շահառուին 1000 ԱՄՆ դոլար: Բոլոր կիրառելի գանձումներն ուղարկվող գումարի հետ միասին կկատարվեն ելքագրվող հաշվից, քանի որ ըստ հանձնարարականի շահառուն պետք է ստանա 1000 ԱՄՆ դոլար: Միջազգային փոխանցման դեպքում “Նույնն է, ինչ ստացող հաշվինը” տարբերակի պահումները կլինեն.

• Ես վճարում են ԲՈԼՈՐ գանձումները, շահառուն չի վճարում ՈՐԵՎԷ գանձում – «Էյչ-Էս-Բի-Սի- Բանկ Հայաստանի» և միջնորդ/ստացող բանկի գանձումներն ելքագրվող գումարի հետ միասին կկատարվեն հաճախորդի հաշվից,
• Ես վճարում են «Էյչ-Էս-Բի-Սի Բանկ Հայաստանի»` շահառուն` այլ բանկի գանձումները - հաճախորդի հաշվից ելքագրվող գումարի հետ միասին կպահվեն միայն «Էյչ-Էս-Բի-Սի-Բանկ Հայաստանի» գանձումները:
  

Եթե շահառուի երկիրն առկա չէ համապատասխան բացվող ցանկում, ապա ընտրեք “Այլ երկիր” և մուտքագրեք շահառու բանկի տվյալները` ներառյալ քաղաքը, SWIFT կոդը և/կամ բանկի կոդը:Եթե առկա չէ քաղաքը կամ բանկը, ապա ընտրեք “Այլ քաղաք/Այլ բանկ” և մուտքագրեք շահառու բանկի տվյալները` ներառյալ քաղաքը, SWIFT կոդը և/կամ բանկի կոդը:

Եթե Դուք նշեք, որ Ձեր փոխանցումը/վճարումը կատարվի անմիջապես, ապա այլևս հնարավորություն չեք ունենա դադարեցնել այն: Բոլոր այլ ապագա կամ պարբերական փոխանցումները/վճարումները կարող են մերժվել գործարքի կատարման ամսաթվից առնվազն մեկ օր առաջ: Փոխանցում/վճարում մերժելու համար, խնդրում են էջի ձախ մասում սեղմել "Փոխանցումներ"/"Վճարումներ", այնուհետև` "Ապագա փոխանցումներ"/"Ապագա վճարումներ": Մուտքագրեք ամսաթվերը, սեղմեք "Առաջ" կոճակը, այնուհետև` գործարքի ամսաթվին` մանրամասները դիտելու համար: Սեղմեք "Հեռացնել" կոճակը` գործարքը դադարեցնելու համար:

Դուք չեք կարող փոխել ապագա վճարման/փոխանցման հանձնարարականը։ Անհրաժեշտ է հեռացնել փոփոխման ենթակա վճարման/փոխանցման հանձնարարականը և ստեղծել նորը։

Առկա շահառուների ցանկը դիտելու համար անհրաժեշտ է ընտրել «Կառավարել շահառուների ցանկը» գործառույթը, որտեղ առանձնացված կցուցադրվեն առկա շահառուները և կրեդիտ քարտերը:

Դուք կարող եք ֆիլտրել տեղական և միջազգային շահառուներին, դիտել մանրամասները, ինչպես նաև հեռացնել շահառուներին ցանկից։

Այո, Դուք կարող եք կատարել Ձեր վարկի վճարումները “Կատարել փոխանցում” գործառույթի միջոցով: Պարզապես “Ստացող” մասում ընտրեք Ձեր վարկային հաշիվը: Գոյություն ունեն վարկի մարման հետևյալ տարբերակներ.

• Վարկի ամբողջական վճարում – մարել վարկի ամբողջ գումարը ՝ ներառյալ մայր գումարի մնացորդը և հանձնարարականի իրականացման պահին հաշվեգրված տոկոսագումարը
• Հերթական մայր գումարի վճարում– մարել վարկի հաջորդ հերթական ամսական վճարման մասը: Խնդրում ենք ի նկատի ունենալ, որ ժամանակացույցում նշված վարկի մարման օրը Դուք պարտավորվում եք վարկի տոկոսագումարի վճարման հաշվին ապահովել բավարար միջոցներ տվյալ ամսվա կուտակված տոկոսագումարի չափով
• Մայր գումարի վճարում – կատարել վարկի մայր գումարի կանխավճար` առանց խախտելու մարման ժամանակացույցում նշված մարման հերթականությունը: Այս պարագայում, վճարված գումարի չափով նվազեցվում է վարկի մարման վերջին ամիսների քանակը: Եթե վարկի վաղաժամկետ մարում կատարելուց հետո ցանկանում եք նվազեցնել վարկի ամսական մարումների չափը, ապա անհրաժեշտ Է մեզ տալ համապատասխան հրահանգ`
  

- հաղորդագրություն ուղարկելով Ինտերնետային Բանկային Ծառայության համապատասխան բաժնի միջոցով,

- Հեռախոսային Բանկային Ծառայության միջոցով կամ 

- այցելելով մեր մասնաճյուղերից որևէ մեկը:

• Ժամկետանց մայր գումարի և տոկոսի վճարում- Վճարել ժամկետանց մայր գումարը և տոկոսադրույքը
  

Հանձնարարականը մինչև ժամը 17:00-ը ներկայացնելու դեպքում այն կկատարվի նույն օրը: Նշված ժամից հետո ներկայացված հանձնարարականները կկատարվեն հաջորդ աշխատանքային օրը:

Հարգելի հաճախորդ,

Ինտերնետային և Մոբայլ բանկային ծառայության միջոցով «վարկային կոդով» ՀՀ այլ բանկերին վճարում կատարելու համար խնդրում ենք վարկային կոդը մուտքագրել «Փոխանցման նպատակ» դաշտում:

* Ստացողի հաշվեհամար չունենալու դեպքում խնդրում ենք “հաշվեհամար դաշտում” գրել «վարկային կոդը» ծածկագրի հաստատման համար:

* Ի լրումն վարկային կոդի՝ «Փոխանցման նպատակ» դաշտում պետք է նաև մուտքագրել ստորև նշված տարբերակներից մեկը.

1. Վարկի մայր գումարի, դրա դիմաց տոկոսի, ինչպես նաև վարկի հետ կապված տույժի (տուգանքի) վճարում
2. վարկի մայր գումարի վճարում
3. վարկի տոկոսի վճարում
4. վարկի հետ կապված տույժի, տուգանքի վճարո
   

Ծանուցող ծառայությունն ակտիվացնելու համար սեղմեք “Ծանուցող ծառայություններ” հղմանը, ստուգեք բջջային հեռախոսահամարի ձևաչափը` 374XXXXXXXX (374+կոդ+բջջային հեռախոսի համարը) և ընտրեք <<Միացված>>  տարբերակը։ Այնուհետև ընտրեք հաշիվը, որի համար ցանկանում եք ակտիվացնել ծանուցող ծառայությունը, լրացրեք համապատասխան դաշտերը և սեղմեք <<Պահպանել փոփոխությունները>> կոճակին։

Դուք կարող եք պատրաստել ծանուցումներ Ձեր խնայողական, ընթացիկ և ժամկետային ավանդի հաշիվների համար:

Կարևոր է։ Ծանուցող ծառայությունը կակտիվանա կարգավորումներին հաջորդող աշխատանքային օրը: Ծանուցող ծառայությանը բաժանորդագրվելու վերաբերյալ լրացուցիչ հարցեր ունենալու դեպքում խնդրում ենք զանգահարել Հեռախոսային կենտրոն +374 (60) 655 444 հեռախոսահամարով։ Մեր հեռախոսային կենտրոնն աշխատում է շուրջօրյա:

Այդ գործառույթն առկա է բոլոր զննարկիչներում` նախազգուշացնելու օգտագործողներին, որ իրենք լքում են պաշտպանված կայքը: Ինտերնետային բանկային ծառայության որոշ հղումներ ուղղում են Ձեզ Էյչ-Էս-Բի-Սի Բանկի կայք, և Ձեր զննարկիչը կարող է Ձեզ նախազգուշացնել այդ մասին: Պարզապես սեղմեք “Yes”` Ձեր աշխատանքային սեանսը շարունակելու համար:

Խնդիրը շտկելու համար խնդրում ենք հեռացնել ինտերնետի օգտագործման ժամանակավոր ֆայլերը: Internet Explorer տեսակի զննարկիչներ օգտագործելու դեպքում, խնդրում ենք սեղմել “Tools”, անուհետև` “Internet Options”: Բացված պատուհանի “General” մասում սեղմեք “Delete files”, անուհետև` “OK”: Փակեք զննարկիչի բոլոր պատուհանները և կրկին փորձեք մուտք գործել:

Ժամանակակից տեխնոլոգիաներ օգտագործելով` Էյչ-Էս-Բի-Սի-ն Ձեզ է առաջարկում Ձեր գործարքների առավելագույն ապահովությունը` անկախ Ձեր գտնվելու վայրից:

• 12 նիշանոց ԱԳՄ (ATM) քարտի համարի և 6 նիշանոց անձնական ծածկագրի (PIN) օգտագործում Էյչ-Էս-Բի-Սի-ի կայքում գրանցվելիս
• Անձնական օգտագործողի անուն ստեղծելու հնարավորություն
• Անվտանգության սարքի ծածկագրի օգտագործում` ապահովելու համար Ձեր տվյալների կատարյալ անվտանգություն
• Հիշվող հարցի և պատասխանի նշանակման հնարավորություն, որը, անվտանգության սարքի ծածկագրի հետ միասին, ապահովում է բանկային գործարքների առավելագույն ապահովությունը
• Անվտանգության հարցերի և պատասխանների նշանակման հնարավորություն: Այդ տվյալները պահանջվում են հիշվող հարցի և պատասխանի փոփոխման համար, այն դեպքերում, եթե Դուք մոռանաք դրանք
• Ծառայության ավտոմատ արգելափակում մուտքի երեք անհաջող փորձի դեպքում
• Ծառայության միջոցով գործարքների օրական սահմանաչափերի նվազեցում
• Աշխատանքային սեանսի ընթացքում տեղեկատվության փոխանակման ժամանակ 128-bit ծածկագրման (encryption) օգտագործում (սա տվյալ պահի դրությամբ ծածկագրման ամենաբարձր մակարդակն է)
• Աշխատանքային սեանսի ավտոմատ դադարեցում` Ծառայությունից որոշ ժամանակ չօգտվելու դեպքում
  

Պետք է միշտ գաղտնի պահել Ինտերնետային բանկային ծառայության Ձեր անվտանգության տվյալները և երբեք չտրամադրել դրանք որևէ մեկին: Էյչ-Էս-Բի-Սի Բանկը երբևէ չի պահանջի, որպեսզի Դուք Ձեր անձնական տվյալները (անձնական ծածկագիր (PIN), հիշվող և անվտանգության հարցերի պատասխանները) տրամադրեք էլեկտրոնային փոստի միջոցով: Երբևէ մի տրամադրեք նման տվյալներ որևէ մեկին` այդ թվում Էյչ-Էս-Բի-Սի Բանկի աշխատակիցներին:

• Ինտերնետային բանկային ծառայություն մուտք գործելուց հետո միշտ ստուգեք, որ զննարկիչի ներքևի աջ անկյունում պատկերված է կողպեքի կամ բանալու նշան (կախված ծրագրային ապահովման տեսակից/տարբերակից` այդ նշանը կարող է պատկերվել նաև կայքի հասցեի կողքին)
• Այլ կայքեր այցելելուց առաջ միշտ դուրս եկեք ծառայությունից սեղմելով “Ելք”, այլ ոչ թե պարզապես փակելով Ձեր զննարկիչի պատուհանը
• Փակեք զննարկիչի պատուհանը Ծառայությունից դուրս գալուց հետո
• Համակարգչի կամ զննարկիչի ծրագրային ապահովման նոր տարբերակների հայտնվելուն պես մշտապես կիրառեք դրանք, քանի որ դրանք նախատեսված են պաշտպանելու Ձեզ անվտանգության հետ կապված հայտնի խնդիրներից
  

• Տեղակայեք Ձեր մկնիկը զննարկիչի ներքևի աջ անկյունի “անվտանգության կողպեք”-ի նշանին. պետք է հայտնվի փոքրիկ պատուհան` "SSL secured (128-bit)" պարունակությամբ
• Զննարկիչի մենյուից ընտրեք “File”, այնուհետև` "Properties": Բացված պատուհանում պետք է տեսնեք "Connection TLS 1.0, RC4 with 128 bit encryption (High); RSA with 2048 bit exchange"

Ֆիշինգը դա հանցավոր գործունեության տեսակ է, որի միջոցով այլ անձինք փորձում են հաճախորդներից խաբեությամբ ձեռք բերել Ինտերնետային բանկային ծառայության տվյալները: Այդ անձինք կապ են հաստատում հաճախորդների հետ (սովորաբար էլ.փոստի, նամակների կամ հեռախոսազանգերի միջոցով) և ֆինանսական կազմակերպության անվան ներքո պահանջում տրամադրել անվտանգության տվյալները:

Հիշեք. Էյչ-Էս-Բի-Սի-ն երբևէ չի ուղարկում օգտագործողի անվան և/կամ հիշվող պատասխանի նորացման պահանջ էլ.փոստի միջոցով:

Եթե Դուք ստացել եք Էլեկտրոնային նամակ/հաղորդագրություն, որը Ձեր կարծիքով կեղծ է, ապա.

• մի պատասխանեք նամակին
• վերահասցեագրեք նամակը phishing@hsbc.com
  
• ջնջեք նամակը

Աշխատանքային սեանսի ավտոմատ դադարեցման գործառույթն ապահովում է Ձեզ լրացուցիչ անվտանգությամբ այն դեպքերի համար, երբ Դուք լքում եք համակարգիչը առանց աշխատանքային սեանսն ավարտելու: Որոշ ժամանակ անց Ինտերնետային բանկային ծառայության Ձեր աշխատանքային սեանսն ավտոմատ կերպով կդադարեցվի:

Այո, սեղմելով “Սպասարկման կենտրոն” հղումը և այնուհետև` “Ուղարկել հաղորդագրություն”, Դուք կարող եք նամակներ ուղարկել Բանկ` հաշիվների, քարտերի, վարկերի, Ծառայության վերաբերյալ:

Դուք կարող եք ստուգել անվտանգության վկայականի վավերականությունն ու այն հաստատությունը, որին տրվել է այդ վկայականը: Internet Explorer տեսակի զննարկիչներ օգտագործելու դեպքում, երկու անգամ մկնիկով սեղմեք զննարկիչի ներքևի աջ անկյունում պատկերված անվտանգության կողպեքի նշանին (կախված ծրագրային ապահովման տեսակից/տարբերակից` այդ նշանը կարող է պատկերվել նաև կայքի հասցեի կողքին): Բացված պատուհանի “General” մասում պետք է լինի վկայականի վերաբերյալ տեղեկատվությունը. թե ում է այն տրված (https://www.hsbc.am) և որքան է դրա վավերականության ժամկետը: