- Ընդհանուր դրույթներ
- Բանկը օվերդրաֆտ տրամադրելու որոշումը կայացնում է հաշվի առնելով օվերդրաֆտի հայտի համապատասխանությունը տվյալ վարկատեսակի հայտարարված պայմաններին, ինչպես նաև գնահատելով այնպիսի էական հանգամանքներ, ինչպիսիք են հաճախորդի վարկունակությունը, վարկարժանությունը, ժամկետանց պարտավորությունների առկայությունը և այլ հանգամանքները:
1.1.1 Բանկն իր հայեցողությամբ կարող է պահանջել, որպեսզի Հաճախորդի պարտավորությունը ապահովված լինի երաշխավորությամբ՝ կախված ռիսկայնության գնահատման արդյունքներից:
- Բանկը օվերդրաֆտ տրամադրելու որոշումը կայացնում է հաշվի առնելով օվերդրաֆտի հայտի համապատասխանությունը տվյալ վարկատեսակի հայտարարված պայմաններին, ինչպես նաև գնահատելով այնպիսի էական հանգամանքներ, ինչպիսիք են հաճախորդի վարկունակությունը, վարկարժանությունը, ժամկետանց պարտավորությունների առկայությունը և այլ հանգամանքները:
1.2. Օվերդրաֆտը տրամադրվում է անկանխիկ:
1.3. Օվերդրաֆտի դիմումը ընդունվում է Բանկի ցանկացած մասնաճյուղում/գրասենյակում:
1.4. Հաշվի առնելով, որ Օվերդրաֆտը տրամադրվում է անժամկետ` Բանկն իրավունք ունի ժամանակ առ ժամանակ միակողմանիորեն վերանայել Օվերդրաֆտի միջոցով տրամադրվող ծառայությունները և արտոնությունները, փոփոխել սակագները, ինչպես նաև տոկոսադրույքները` Ձեզ այդ մասին նախապես տեղեկացնելով (նշելով փոփոխության չափը և փոփոխության համար հիմք հանդիսացած չափանիշը) Բանկի` Ձեզ հետ համաձայնեցված եղանակով և ՀՀ օրենսդրությամբ սահմանված ժամկետներում:
Օվերդրաֆտի անվանական տոկոսադրույքի փոփոխման նախադրյալ կարող են հանդիսանալ ՀՀ կենտրոնական բանկի կողմից սահմանվող բանկային տոկոսի հաշվարկային դրույքի փոփոխությունը, հայկական դրամի` փոխարժեքի տատանումները, բանկային նոր տեխնոլոգիաների ներդրումը, ինչպես նաև ֆինանասական շուկայում տեղի ունեցող այլ փոփոխություններ, որոնք կարող են էական ազդեցություն ունենալ ծառայության գնագոյացման վրա:
Բանկի կողմից պատշաճ կերպով ծանուցում ստանալուց հետո. Դուք պարտավոր եք ղեկավարվել փոփոխված պայմաններով, քանի դեռ, նախքան այդ փոփոխությունների ուժի մեջ մտնելը, Օվերդրաֆտը չեղարկելու նպատակով չեք դիմել Բանկին: Փոփոխված պայմաններին համաձայն չլինելու դեպքում Դուք իրավունք ունեք վաղաժամկետ և առանց տուգանքների մարել Օվերդրաֆտի հաշվի գծով կուտակված պարտքը՝ պայմանով, որ մինչև Օվերդրաֆտի չեղարկումը Նվազագույն վճարը կատարվել է համաձայն Քաղվածքի:
2. Զգուշացում
2.1. Հաճախորդի կողմից օվերդրաֆտի մայր գումարի և հաշվարկված տոկոսագումարների մարումները ժամանակին չկատարելու դեպքում այդ մասին տեղեկատվությունը կտրամադրվի ՀՀ Կենտրոնական Բանկի վարկային ռեգիստր և ԱՔՌԱ Քրեդիտ Ռեփորթինգ ՓԲԸ:
3. Տուգանային տոկոսադրույք և տույժեր
3.1. Օվերդրաֆտի վաղաժամկետ մարման դեպքում տույժեր և տուգանքներ չեն կիրառվում:
3.2. Հաճախորդն իրավունք ունի միակողմանի լուծել Օվերդրաֆտի պայմանագիրը` կնքման օրվանից 7 (յոթ) աշխատանքային օրվա ընթացքում (մտածելու ժամանակ), որի դեպքում Հաճախորդը պարտավորվում է վճարել Բանկին օգտագործված սահմանաչափի գումարը և տոկոսներ սահմանաչափի օգտագործված օրերի համար` հաշվարկված Տարեկան անվանական տոկոսադրույքին համապատասխան:
4. Օվերդրաֆտի դիմումի մասին որոշման կայացման և օվերդրաֆտի տրամադրման ժամկետներ
4.1. Օվերդրաֆտի հայտի վերաբերյալ վերջնական որոշման կայացման և Հաճախորդին որոշման մասին տեղեկացնելու ժամկետը՝ Բանկի կողմից պահանջված բոլոր անհրաժեշտ փաստաթղթերը ներկայացնելուց հետո 1 աշխատանքային օրվա ընթացքում:
4.2. Օվերֆրաֆտի վարկառուին տրամադրելու ժամկետը` օվերդրաֆտի պայմանագիրը ստորագրելուց և օվերդրաֆտի պայմանագրով սահմանված վճարումները կատարելուց հետո 2 աշխատանքային օրվա ընթացքում:
5. Օվերդրաֆտի հաստատման և մերժման չափանիշները
5.1. Օվերդրաֆտի տրամադրման վերաբերյալ դրական որոշման կայացման չափանիշներ.
5.1.1. Փաստաթղթավորված կայուն եկամուտ, որը համապատասխանում է օվերդրաֆտի տրամադրման նվազագույն պահանջներին:
5.1.2. Դրական վարկային պատմություն, ըստ որի վերջին 12 ամիսների ընթացքում հաճախորդի բոլոր վարկերի գծով ուշացումների քանակը չպետք է գերազանցի Բանկի կողմից տվյալ պահին սահմանված առավելագույն շեմը:
5.1.3. Օվերդրաֆտի գործընթացի համար անհրաժեշտ լիարժեք փաստաթղթեր:
5.2. Օվերդրաֆտի տրամադրման վերաբերյալ բացասական որոշման կայացման չափանիշներ.
5.2.1. Օվերդրաֆտը մարելու համար անբավարար կամ չփաստաթղթավորված եկամուտներ:
5.2.2. Հաճախորդի կողմից ոչ արժանահավատ տվյալների տրամադրում:
5.2.3. Բացասական վարկային պատմություն, ըստ որի վերջին 12 ամիսների ընթացքում հաճախորդի բոլոր վարկերի գծով ուշացումների քանակը գերազանցում է Բանկի կողմից տվյալ պահին սահմանված առավելագույն շեմը:
5.2.4. Հաճախորդի տարիքը չի համապատասխանում տվյալ վարկատեսակի տրամադրման համար Բանկի կողմից սահմանված չափանիշին:
Թարմացվել է` 06.07.21, 07:06