- Անվտանգության այնպիսի ծածկագրեր օգտագործեք (օգտագործողի անուն, հիշվող պատասխան), որոնք տարբերվում են Ձեր սոցիալական ցանցերի կամ էլեկտրոնային փոստի հաշիվների (Facebook, Gmail և այլն) ծածկագրերից:
- Ձեր մուտքի ծածկագրերն Անվտանգության սարքից առանձին պահեք:
- Երբեք ուրիշին մի' հայտնեք ինտերնետային բանկային ծառայության Ձեր մուտքի ծածկագրերը: Դրանք անձնական տվյալներ են հանդիսանում, այդ պատճառով Էյչ-Էս-Բի-Սի-ն երբեք չի պահանջի հայտնել դրանք` ո'չ հեռախոսով, ո'չ էլեկտրոնային փոստի միջոցով:
- Մի' արձագանքեք այն հաղորդագրություններին և մի' սեղմեք այն հղումներին, որոնք հայտնվում են էլեկտրոնային հաղորդագրություններում` խնդրելով մուտքագրել Ձեր անձնական տվյալները, բանկային հաշվեհամարները և քարտերը կամ ինտերնետային բանկային ծառայության Ձեր մուտքի ծածկագրերը, նույնիսկ եթե այդ հաղորդագրությունները կարծես Էյչ-Էս-Բի-Սի-ի կողմից են ուղարկված: Դրանք ուղարկում են մարդիկ, ովքեր փորձում են Ձեզնից կորզել ծածկագրերը և Ձեր հաշիվների համակարգ մուտք գործելու հնարավորություն ստանալ:
- Էյչ-Էս-Բի-Սի-ի ինտերնետային բանկային ծառայություններից օգտվեք միայն Էյչ-Էս-Բի-Սի-ի կայքի միջոցով, երբեք մի' օգտվեք այլ կայքերում, որոնման համակարգերում կամ էլեկտրոնային փոստի հաղորդագրություններում հայտնվող հղումներից: Համոզվեք, որ անձնական, գաղտնի տվյալներ մուտքագրելիս լիազորված ինտերնետային կայքից եք օգտվում: Լիազորված կայքերի ցանցային հասցեն սկսվում է https-ով, ոչ թե http-ով:
- Համոզվեք, որ մուտք գործելիս և համակարգից դուրս գալիս ճիշտ ընթացակարգ եք պահպանում: Մասնավորապես, համակարգից դուրս գալու ժամանակ ընտրեք «Ելք» տարբերակը`զննարկիչի պատուհանը պարզապես փակելու փոխարեն:
- Մի' արձագանքեք այն հաղորդագրություններին, որոնք խնդրում են Ձեզ սպասել կամ նորից մուտքագրել Ձեր մուտքի ծածկագիրն այն ժամանակ, երբ միացված եք ինտերնետային բանկային ծառայություններին: Զանգահարեք Էյչ-Էս-Բի-Սի-ի Հեռախոսային կենտրոն (+374 60 655 000)` գուցե Ձեր համակարգիչը վարակված է վիրուսներով կամ վնասաբեր ծրագրերով:
- Ցանկացած հնարավորության դեպքում թարմացրեք Ձեր համակարգչի օպերացիոն համակարգն ու ինտերնետային զննարկիչները նորագույն ծրագրային տարբերակներով (օրինակ` Windows Internet Explorer, Mozilla Firefox): Օգտագործեք «Հակավիրուսային», «Միջցանցային էկրան» և «Հակալրտեսային» ծրագրերը և պարբերաբար թարմացրեք դրանք:
- Պարբերաբար ստուգեք Ձեր համակարգչում վիրուսների և լրտես ծրագրերի առկայությունը`օգտվելով տեղադրված պաշտպանիչ ծրագրերի նորագույն տարբերակներից ու թարմացումներից:
- Խուսափեք հանրային վայրերում և այլ անձանց պատկանող համակարգիչներից օգտվելուց (օրինակ`ինտերնետ-սրճարաններ,օդանավակայաններ և այլն): Ձեր լիակատար վերահսկողությունից դուրս գտնվող միջավայրում մեծանում է Ձեր ծածկագրերի գողության հնարավորությունը` ֆիզիկական կամ էլեկտրոնային տարբերակով:
- Ստուգեք, որ իսկապես Էյչ-Էս-Բի-Սի-ի կայքում եք գտնվում`վավերացնելով Ձեր զննարկիչում ցուցադրվող հասցեն:
- Պարբերաբար ջնջեք ժամանակավոր ինտերնետային ֆայլերը Ձեր զննարկիչից:
- Ստուգեք Ձեր համակարգիչը հակալրտեսային ծրագրերի օգնությամբ լրտես ծրագրեր հայտնաբերելու նպատակով այն դեպքում, եթե նկատել եք ստորև շարադրված դեպքերից որևէ մեկը.
-Ձեր էկրանին գովազդային պատուհաններ են հայտնվում
-Ձեր հիմնական զննարկիչի գլխավոր էջը փոխվել է,սակայն ոչ Ձեր կողմից
- Համակարգիչը դանդաղ է արձագանքում համակարգչային հրահանգներին կամ կայքերի այցելության ժամանակ
Թարմացվել է` 15.02.21, 07:15