• Թույլ մի տվեք այլ անձի օգտագործել Ձեր քարտը: Եթե կրեդիտ քարտը կամ բանկոմատային քարտը՝ Ձեր համաձայնությամբ կամ առանց Ձեր գիտության վերցրել է ընտանիքի մեկ այլ անդամ (ամուսին, երեխա, ծնող), ապա նրանց կատարած գնումների կամ այլ գործարքների համար պատասխանատվություն կրում եք Դուք
• Մի հաղորդեք Ձեր քարտին վերաբերող որևէ տեղեկություն` քարտի համարը, վավերականության ժամկետը կամ CVV տվյալները (քարտի դարձերեսին գրված եռանիշ անվտանգության կոդը) երրորդ անձանց՝ այդ թվում էլեկտրոնային փոստով: Հիշեք, որ Բանկը երբևէ չի խնդրի Ձեզ տրամադրել դրանք
• Վճարումներ կատարելիս քարտը Ձեր տեսադաշտից դուրս մի՛ թողեք, հատկապես՝ ռեստորաններում, սրճարաններում և լցակայաններում
• Ձեր ԱԾ-ն փոխելու դեպքում խուսափեք կրկնվող, հաջորդական նիշեր (օրինակ` 2222, 1234 և այլն) կամ հեշտ կռահելի անձնական տվյալներ (օրինակ` ծննդյան տարեթիվ, հեռախոսահամար) օգտագործելուց
• Մի պահեք Ձեր քարտը և ԱԾ-ն միասին, նույնիսկ եթե ԱԾ-ն քողարկված է  հեռախոսահամարի ձևով, քանի որ այն հեշտությամբ կարելի է վերծանել
• Քարտը ստանալուն պես անպայման ստորագրեք քարտի դարձերեսին (կիրառելի է միայն կրեդիտ քարտերի համար)

• Եթե բանկոմատը, որից Դուք օգտվում եք, չունի թվերի վահանակի պաշտպանիչ  ծածկ, Ձեր ԱԾ-ն մուտքագրելիս միշտ ձեռքով ծածկեք թվերի վահանակը՝ գաղտնիության ապահովման համար
• Եթե Ձեր քարտը բանկոմատ մուտք անելուց հետո կարծում եք, որ բանկոմատը խափանվել է կամ բանկոմատի վրա առկա է այլ սարք կամ գործիք, այդ մասին անհապաղ տեղեկացրեք Բանկին` մնալով բանկոմատի մոտ, եթե դա ապահով է
• Բանկոմատից օգտվելու ընթացքում զգուշացեք որևէ մեկի կողմից առաջարկվող օգնությունից, հատկապես, եթե օգնությունը Դուք չեք խնդրել
• Գործարքն ավարտելուց հետո աննկատ տեղավորե՛ք Ձեր գումարն ու քարտը՝ նախքան Բանկոմատից հեռանալը
• Ձեր Բանկոմատային քարտից կանխիկացումների մասին ծանուցումներ ստանալու համար ակտիվացրեք SMS ծառայությունը

• Ինտերնետով որևէ գործարք կատարելուց առաջ մանրամասն ուսումնասիրեք գործարքի կատարման և վճարման պայմանները, մասնավորապես` մանր տառերով գրվածները
• Ինտերնետով որևէ գնում, հյուրանոցի կամ ավտոմեքենայի վարձակալության նախնական գրանցում կատարելուց առաջ ինտերնետում փնտրե՛ք Ձեր նախընտրած ապրանքին կամ ծառայությանը վերաբերող կարծիքներ կամ քննարկումներ՝ համոզվելու համար, որ վաճառող կողմը իսկապես կարող է տրամադրել ինտերնետային կայքում նկարագրված ապրանքը կամ ծառայությունը
• 3D Secure համակարգով գործարք կատարելիս՝ մինչ SMS հաղորդագրության միջոցով ծածկագիր պատվիրելը, անպայման ստուգե՛ք մասամբ քողարկված բջջային հեռախոսահամարը և համոզվեք, որ այն ճիշտ է արտացոլված
• Միշտ ստուգեք գործարքի գումարը և սպասարկման կետի անվանումը գործարքի մասին ծանուցող SMS հաղորդագրության մեջ և համոզվե՛ք, որ դրանք ճիշտ են արտացոլված

• Միշտ ստուգեք քարտ(եր)ի քաղվածք(ներ)ը հատկապես ճանապարհորդությունից հետո: Համեմատեք կատարված գնումների գումարները գործարքների կտրոնների հետ, ինչպես նաև բանկոմատային քարտով կատարված գործարքները քաղվածքում(ներ)ում նշված գործարքների գումարների հետ: Ձեր կողմից չլիազորված կամ անվավեր գործարքներ հայտնաբերելու դեպքում անհապաղ տեղեկացրեք Բանկին
• Ոչնչացրեք ֆինանսական փաստաթղթերը, ներառյալ վարկային և բանկոմատային քարտերի գործարքների անդորրագրերը, վարկային քարտի և բանկային հաշիվների քաղվածքները, եթե դրանք այլևս Ձեզ անհրաժեշտ չեն
• Ճանապարհորդելուց առաջ համոզվեք, որ Բանկին  տրամադրել եք Ձեզ հետ հաղորդակցվելու թարմ տվյալներ, մասնավորապես՝ բջջային հեռախոսահամարը և էլեկտրոնային հասցեն
• Ուշադիր եղեք քարտի վավերականության ժամկետին: Եթե Դուք դեռ չեք ստացել Ձեր վերաթողարկված քարտը, կապ հաստատեք Բանկի հետ՝ նոր քարտ ստանալու նպատակով
• Ներբեռնեք հակավիրուսային ծրագրեր և դրանք պարբերաբար թարմացրեք, որպեսզի պաշտպանված լինեք վիրուսներից, վնասակար և տեղեկատվություն/տվյալներ գողանալու համար ստեղծված ծրագրերից
• Մշտապես թարմացրեք Ձեր բրաուզերը, քանի որ վերջինս լրացուցիչ անվտանգություն է ապահովում կեղծ կայքերից
• Մի բացեք էլեկտրոնային նամակներ կամ ներդիրներ անծանոթ աղբյուրներից

• Անմիջապես տեղեկացրեք Բանկին Ձեր քարտը գողանալու կամ կորցնելու, ինչպես նաև Ձեր քարտով կատարված գործարքի կապակցությամբ որևէ կասկած ունենալու դեպքերում:
• Եթե կասկածում եք, որ Ձեր քարտի ԱԾ-ն կամ որևէ այլ գաղտնի տեղեկատվություն (օրինակ՝ քարտի տվյալները) հայտնի է մեկ այլ անձի, անմիջապես տեղեկացրեք Բանկին:
• Անմիջապես կապ հաստատեք Բանկի հետ, եթե որևէ մեկը, ներկայանալով Բանկի անունից, պահանջում է Ձեզանից տրամադրել Ձեր քարտը, ԱԾ-ն կամ որևէ այլ անձնական տվյալը:

Կարևոր նշում. Ֆինանսական կազմակերպությունը պարտավոր է սպառողի հետ պայմանագիր կնքելիս վերջինիս տրամադրել Քարտերի օգտագործման անվտանգության կանոնները:

Այս էջի հայերեն և անգլերեն տարբերակների միջև անհամապատասխանության առկայության դեպքում գերակայում է հայերեն տարբերակը: