Կարճաժամկետ կուտակային ժամկետային ավանդ

Ժամկետներ և նվազագույն գումար

Ավանդի ժամկետ

• նվազագույնը` 2 տարի
• առավելագույնը` 5 տարի

Ավանդի նվազագույն գումար

• ՀՀ դրամով ավանդի դեպքում` 100 000 ՀՀ դրամ
• ԱՄՆ դոլարով կամ եվրոյով ավանդի դեպքում` 500 ԱՄՆ դոլար/եվրո

Տոկոսադրույք և մարման պայմանները

Կուտակային ժամկետային ավանդի դիմաց հաշվարկվող տոկոսադրույքը հավասար է Բանկի հաշվարկային տոկոսադրույքի և Բանկի կողմից ֆիքսված մարժայի գումարին/տարբերությանը:

Տոկոսագումարը հաշվարկվում է օրական կտրվածքով և կարող է վճարվել հետևյալ տարբերակներով.

• Հաշվեգրված տոկոսագումարի վճարում ձեր կողմից նշված հաշվին` ամսական կամ եռամսյակային պարբերականությամբ
• Հաշվեգրված տոկոսագումարի կապիտալացում` ամսական կամ եռամսյակային պարբերականությամբ (տոկոսագումարի կապիտալացումը հնարավոր է միայն ավանդի կուտակային փուլի ընթացքում)

Կուտակային ժամկետային ավանդի համար վճարված տոկոսագումարը ենթակա է հարկման ՀՀ օրենսդրությամբ սահմանված կարգով:

Կարևոր նշում

Կուտակային ժամկետային ավանդի ընթացիկ անվանական տոկոսադրույքը (համապատասխանաբար նաև տարեկան տոկոսային եկամտաբերությունը) կարող է փոփոխվել` կախված Բանկի հաշվարկային տոկոսադրույքի փոփոխությունից: Տոկոսադրույքի փոփոխության դեպքում Բանկը ձեզ տեղյակ կպահի փոփոխությունն ուժի մեջ մտնելուց առնվազն մեկ ամիս առաջ: Տոկոսադրույքի նվազման դեպքում մինչև փոփոխված տոկոսադրույքի ուժի մեջ մտնելու պահը դուք իրավունք ունեք դադարեցնել Կուտակային ժամկետային ավանդի պայմանագրի գործողությունը` ստանալով ավանդի գումարը և մինչև պայմանագրի դադարեցման պահը ավանդի դիմաց հաշվարկված տոկոսագումարներն ամբողջությամբ: Եթե ավանդի պայմանագիրը դադարեցվում է փոփոխված տոկոսադրույքն ուժի մեջ մտնելուց հետո, ապա կկիրառվի ավանդի վաղաժամկետ դադարեցման համար նախատեսված տոկոսագումարի հաշվարկման կարգը:

Կուտակային ժամկետային ավանդի մարման պայմանները

Կուտակային ժամկետային ավանդը կարող է մարվել հետևյալ տարբերակներով.

Միանվագ մարում

• Դուք կարող եք հանձնարարական տալ Բանկին` միանվագ փոխանցել կուտակված գումարը ձեր կողմից նշված հաշվին` ավանդի ժամկետի վերջում

Մարում պարբերական վճարումներով

• Դուք կարող եք հանձնարարական տալ Բանկին մարել կուտակային ավանդը պարբերական (ամսական կամ եռամսյակային) վճարումներով` ձեր կողմից նշված ժամանակաշրջանի ընթացքում: Եթե ընտրեք այս տարբերակը, պարբերական մարման ժամանակ կուտակային ժամկետային ավանդի համար կիրառելի տոկոսադրույքը կկիրառվի նաև ձեր ավանդի մնացորդի վրա` ձեզ թույլ տալով տոկոսագումար ստանալ նաև ավանդի մարման փուլում:

Ավանդի դադարեցում

Եթե կուտակային ժամկետային ավանդի պայմանագիրը դադարեցվում է պայմանագրի գործողության առաջին 12 ամիսների ընթացքում, վճարման ենթակա տոկոսագումարը հաշվարկվում է ավանդի դիմաց հաշվարկված/վճարված տոկոսագումարի մեկ հարյուրերորդականի չափով:

Եթե կուտակային ավանդի պայմանագրի գործողությունը դադարեցվում է պայմանագրի գործողության առաջին 12 ամիսը լրանալուց հետո, վճարվող տոկոսագումարը հաշվարկվում է ավանդի փաստացի ժամկետին համամասնորեն` ստորև ներկայացված բանաձևով.

որտեղ,

ՎՏ – վճարման ենթակա տոկոսագումար
ՀՏ – հաշվարկված տոկոսագումար
ՓԺ - փաստացի ժամկետ
ՍԺ – սկզբնական ժամկետ

Եթե տոկոսագումարն արդեն վճարվել է, վճարման ենթակա տոկոսագումարի և մինչև ավանդի պայմանագրի դադարեցման պահը ավանդի դիմաց վճարված տոկոսագումարների տարբերությունը ավանդի մարման պահին նվազեցվում է ավանդի գումարից:

Սկզբնական գումար	Ամսական ներդրումներ	Կուտակված գումար
		1 տարի անց	2 տարի անց	3 տարի անց
100,000 ՀՀ դրամ	30,000 ՀՀ դրամ	483,332 ՀՀ դրամ	900,536 ՀՀ դրամ	1,345,981 ՀՀ դրամ

Ինչպե՞ս պարզել, թե որքան եք կուտակել

Դուք կստանաք ամսական քաղվածքներ, որտեղ ներկայացված կլինեն ավանդի մայր գումարը, ավանդային հաշվին կատարված վճարումները, հաշվի մնացորդը և հաշվեգրված տոկոսագումարները:

Ամսական քաղվածքները ՀՀ տարածքում, ինչպես նաև էլեկտրոնային միջոցներով առաքվում են անվճար: Քաղվածքների առաքման այլ տարբերակների դեպքում Բանկը կարող է գանձել վճարներ` Բանկի ծառայությունների գործող սակագներին համապատասխան:

Տոկոսադրույքներ

Կուտակային ժամկետային ավանդի անվանական տոկոսադրույքներ

Արժույթ	Նվազագույն սկզբնական մուտք	Բանկի հաշվարկային տոկոսադրույք(ՀՏ)	Ավանդի ընդհանուր ժամկետ
			24 – 36 ամիս	37 – 60 ամիս	61 – 120 ամիս	121 – 240 ամիս	241 – 360 ամիս	ավելի քան 360 ամիս
ՀՀ դրամ	100,000	10.5%*	ՀՏ - 1%	ՀՏ - 0.5%	ՀՏ - 0.25%	ՀՏ - 0%	ՀՏ + 0.25%	ՀՏ + 0.5%
			9.50%	10%	10.25%	10.5%	10.75%	11%
ԱՄՆ դոլար	500	8.75%**	ՀՏ - 4.75%	ՀՏ - 3.75%	ՀՏ - 2.75%	ՀՏ - 2.25%	ՀՏ - 2%	ՀՏ - 1.75%
			4%	5%	6%	6.5%	6.75%	7%
Եվրո	500	7.00%***	ՀՏ - 6%	ՀՏ - 5%	ՀՏ - 4%	ՀՏ - 3.5%	ՀՏ - 3.25%	ՀՏ - 3%
			1%	2%	3%	3.5%	3.75%	4%

* ուժի մեջ է 2009թ. ապրիլի 1-ից
** ուժի մեջ է 2008թ. նոյեմբերի 10-ից
*** ուժի մեջ է 2009թ. ապրիլի 22-ից

Կուտակային ժամկետային ավանդի տարեկան տոկոսային եկամտաբերություն

Արժույթ	Տոկոսագումարի վճարման/կապիտալացման պարբերականություն	Ավանդի ընդհանուր ժամկետ
		24 – 36 ամիս	37 – 60 ամիս	61 – 120 ամիս	121 – 240 ամիս	241 – 360 ամիս	ավելի քան 360 ամիս
ՀՀ դրամ	Ամսական	9.92%	10.46%	10.74%	11.01%	11.29%	11.56%
	Եռամսյակային	9.84%	10.37%	10.65%	10.91%	11.18%	11.45%
ԱՄՆ դոլար	Ամսական	4.07%	5.11%	6.16%	6.69%	6.96%	7.22%
	Եռամսյակային	4.06%	5.09%	6.13%	6.66%	6.92%	7.18%
Եվրո	Ամսական	1.0%	2.02%	3.04%	3.55%	3.81%	4.07%
	Եռամսյակային	1.0%	2.01%	3.03%	3.54%	3.80%	4.06%

Կուտակային ժամկետային ավանդի նկատմամբ տոկոսագումարները հաշվարկվում են անվանական տոկոսադրույքի հիման վրա: Տարեկան տոկոսային եկամտաբերությունը ցույց է տալիս, թե որքան եկամուտ կստանայիք, եթե ձեր ավանդի դիմաց ստացված տոկոսագումարները վերաներդնեիք ավանդի տեսքով:

Ավանդների տարեկան տոկոսային եկամտաբերությունը հաշվարկվում է` ելնելով հետևյալ բանաձևից`

որտեղ`

1. A – ավանդի սկզբնական գումարն է:
2. n – ավանդի դիմաց դրամական հոսքերի հերթական համարն է:
3. N – ավանդի դիմաց դրամական հոսքերի վերջին համարն է (ներառյալ նաեւ ավանդի ներդրման պահին դրամական հոuքը), որից հետո ավանդային պայմանագրի ժամկետը համարվում է ավարտված:
4. Kn – ավանդի ներդրման պահին եւ/կամ ավանդի գործողության ընթացքում ներդրված ավանդի եւ/կամ կապիտալացված տոկոսագումարների, առկայության դեպքում պարտադիր վճարների հոuքեր:
5. Dn – այն թիվն է, որը ցույց է տալիս, թե քանի oր է անցել ավանդի ներդրման oրից մինչեւ ավանդի դիմաց կատարվող հերթական` n-րդ դրամական հոսքերը ներառյալ: Այն դեպքում, երբ ավանդի ներդրման պահին է դրամական հոսքերը, D1 = 0:

Ինչպե՞ս կուտակել և խնայել

Կուտակային ժամկետային ավանդը բացելուց և սկզբնական գումարը ներդնելուց հետո, դուք, ինչպես նաև ցանկացած երրորդ անձ, կարող է շարունակել համալրել կուտակային ավանդը:

Կուտակային ժամկետային ավանդը կարող եք համալրել հետևյալ տարբերակներով.

• պարբերական վճարման հանձնարարական տալ բանկին,
• ներդնել ցանկացած գումար ցանկացած պահի,
• դադարեցնել ավանդի համալրումը ընդանրապես կամ ժամանակավորապես և շարունակել համալրել այն, երբ ձեզ հարմար լինի:

Գումարը կարող եք փոխանցել ձեր ավանդային հաշվին հետևյալ եղանակներով

• բանկոմատային ցանց. Երևանում գործող ցանցը ներառում է 50-ից ավել բանկոմատ 40-ից ավել վայրերում, որոնց միջոցով դուք կարող եք իրականացնել ձեր փոխանցումները
• հեռախոսային բանկային ծառայություն. զանգահարելով (37410) 515 000 շաբաթվա բոլոր օրերին և դիմելով մեր հեռախոսային կենտրոնի աշխատակիցներին (հեռախոսային բանկային ծառայությանը գրանցված լինելու դեպքում)
• ինտերնետային բանկային ծառայություն. կատարեք ձեր փոխանցումները 24/7 ռեժիմով Էյչ-Էս-Բի-Սի ինտերնետային բանկային ծառայության միջոցով աշխարհի ցանկացած վայրից, ցանկացած պահի, առանց որևէ հավելավճարի (ինտերնետային բանկային ծառայությանը գրանցված լինելու դեպքում)
• մասնաճյուղերի ցանց. ավանդը կանխիկ գումարով կամ փոխանցման միջոցով համալրելու համար կարող եք այցելել նաև մեր 7 մասնաճյուղերից ցանկացածը

Կարևոր տեղեկություններ

Կուտակային ավանդի հաշիվը բացվում է անվճար և ենթակա չէ սպասարկման վճարների ավանդի պայմանագրի գործողության ողջ ընթացքում:

Ձեր ավանդի հատուցումը երաշխավորված է Ավանդների հատուցումը երաշխավորող հիմնադրամի կողմից` Ֆիզիկական անձանց բանկային ավանդների հատուցումը երաշխավորելու մասին ՀՀ օրենքի համաձայն: Օրենքով սահմանված են ավանդների երաշխավորման հետևյալ սահմանաչափերը`

• Եթե նույն բանկում ունեք միայն դրամային ավանդ` 4մլն ՀՀ դրամ
• Եթե նույն բանկում ունեք միայն արտարժութային ավանդ` 2մլն ՀՀ դրամ
• Եթե նույն բանկում ունեք և' ՀՀ դրամով, և' արտարժույթով ավանդ և եթե դրամային ավանդը գերազանցում է 2 միլիոն դրամը` 4մլն ՀՀ դրամ (երաշխավորվում է միայն դրամային ավանդը)
• Եթե նույն բանկում ունեք և' ՀՀ դրամով, և' արտարժույթով ավանդ և եթե դրամային ավանդը 2 միլիոն դրամից պակաս է` 2մլն ՀՀ դրամ (երաշխավորվում է դրամային ավանդն ամբողջությամբ և արտարժութային ավանդը` 2 միլիոն դրամի և հատուցման ենթակա դրամային ավանդի տարբերության չափով)

Վեճերի լուծման կարգը

Կուտակային ժամկետային ավանդի պայմանագրի հետ կապված վեճերը լուծվում են ՀՀ օրենսդրության համաձայն: Եթե ձեր կողմից Բանկի նկատմամբ ներկայացված գույքային պահանջը չի գերազանցում 10 միլիոն ՀՀ դրամը կամ դրան համարժեք գումարը այլ արժույթով, վեճը կարող է լուծվել Ֆինանսական համակարգի հաշտարարի միջոցով:

Բանկը հրաժարվել է Ֆինանսական համակարգի հաշտարարի որոշումները վիճարկելու իրավունքից, եթե ձեր կողմից Բանկի նկատմամբ ներկայացված գույքային պահանջը չի գերազանցել 250 000 ՀՀ դրամը կամ դրան համարժեք արտարժույթը, և գործարքի գումարը չի գերազանցել 500 000 ՀՀ դրամը կամ դրան համարժեք արտարժույթը: