Նվազագույն պայմաններ անհատական սպառողական վարկի դիմելու համար

Աշխատավարձային հաշվի առկայության դեպքում

Դուք կարող եք դիմել անհատական սպառողական վարկ ստանալու համար, եթե բավարարված են հետևյալ պահանջները`

• Դուք ՀՀ քաղաքացի եք և մշտապես բնակվում եք ՀՀ-ում,

և

• Ունեք բանկային հաշիվ Էյչ-Էս-Բի-Սի Բանկ Հայաստան ՓԲԸ-ում (այսուհետ Բանկ) և առնվազն 3 ամիս աշխատում եք Բանկում սպասարկվող պատշաճ բանկային պատմություն ունեցող ընկերությունում, և Ձեր ամսական զուտ աշխատավարձը կազմում է նվազագույնը 50 000 ՀՀ դրամ

կամ

• Ունեք բանկային հաշիվ Բանկում և առնվազն 6 ամիս աշխատում եք ընկերությունում, որն ունի հաշիվ(ներ) այլ բանկերում, և ունեք Բանկում Ձեր բանկային հաշվին Ձեր աշխատավարձի փոխանցման առնվազն 3 ամսվա պատմություն, և Ձեր ամսական զուտ աշխատավարձը կազմում է նվազագույնը 50 000 ՀՀ դրամ

կամ

• Ունեք բանկային հաշիվ ՀՀ տարածքում գործող որևէ այլ բանկում, անընդմեջ աշխատում եք առնվազն 12 ամիս և Ձեր աշխատավարձը վերջին 12 ամսվա ընթացքում փոխանցվել է Ձեր հաշվին, և Ձեր ամսական զուտ աշխատավարձը կազմում է նվազագույնը 200 000 ՀՀ դրամ

Նշում`

• Հաճախորդի ընդհանուր ամսական եկամուտը պետք է լինի նվազագույնը 100 000 ՀՀ դրամ

Ոչ աշխատավարձային հաշվի առկայության դեպքում

Դուք կարող եք դիմել անհատական սպառողական վարկ ստանալու համար, եթե բավարարված են հետևյալ պահանջները`

• Դուք ՀՀ քաղաքացի եք,

և

• Ունեք առնվազն 6 ամսվա բանկային պատշաճ պատմություն Բանկում, և Ձեր հաշիվների միջին ամսական գումարային մնացորդը վերջին 6 ամիսների ընթացքում կազմում է նվազագույնը 100 000 ՀՀ դրամ (կամ համարժեք այլ արժույթով)

կամ

• Ունեք առնվազն 12 ամսվա բանկային պատշաճ պատմություն ՀՀ տարածքում գործող որևէ այլ բանկում, և Ձեր հաշիվների միջին ամսական գումարային մնացորդը վերջին 12 ամիսների ընթացքում կազմում է նվազագույնը 300 000 ՀՀ դրամ (կամ համարժեք այլ արժույթով)

Վարկի արժույթ

• Վարկը տրամադրվում է ՀՀ դրամով

Վարկի չափ

Աշխատավարձային հաշվի առկայության դեպքում

• Բանկի հաճախորդներ`ամսական զուտ աշխատավարձի առավելագույնը քառապատիկի* չափով
• Այլ բանկերի հաճախորդներ` ամսական զուտ աշխատավարձի առավելագույնը կրկնապատիկի չափով

* Վարկի չափը կրկնապատիկից մինչև քառապատիկը ենթակա է հաստատման և' հաճախորդի և' գործատուի պատշաճ հաշվի պատմության և վարկարժանության հիման վրա

Ոչ աշխատավարձային հաշվի առկայության դեպքում

• Բանկի հաճախորդներ`վարկառուի վերջին 6 ամիսների ընթացքում հաշիվների ամսական միջին գումարային մնացորդի առավելագույնը կրկնապատիկի չափով
• Այլ բանկերի հաճախորդներ` վարկառուի վերջին 12 ամիսների ընթացքում հաշիվների ամսական միջին գումարային մնացորդի առավելագույնը միապատիկի չափով

Նշումներ`

• Վարկի նվազագույն և առավելագույն գումար`150 000 մինչև 1 500 000 ՀՀ դրամ
• Վարկի գումարը նվազեցվում է վարկառուի առկա կրեդիտ քարտի սահմանաչափի գումարով
• Վարկառուի բոլոր վարկերի վճարումների հարաբերակցությունը զուտ ամսական եկամտին չի կարող գերազանցել 60%-ը, եթե զուտ ամսական եկամուտը 700 000 ՀՀ դրամից քիչ է, և 70%-ը, եթե զուտ ամսական եկամուտը 700 000 ՀՀ դրամ է և ավելին:

Վարկի ժամկետ¹

• 6-24 ամիս

Վարկի տոկոսադրույք (հաստատուն)

• Տարեկան անվանական տոկոսադրույք 24%² p.a.

Վարկային հաշվի սպասարկման վճար

Վարկառուի հաշվից միանվագ կգանձվի հետևյալ գումարը`

• 10 000 ՀՀ դրամ, եթե վարկի գումարը չի գերազանցում 500 000 ՀՀ դրամը
• 20 000 ՀՀ դրամ, եթե վարկի գումարը գերազանցում է 500 000 ՀՀ դրամը

Սպասարկման վճարը գանձվում է վարկի տրամադրման օրը

Վարկի մարման կարգը

• Վարկի հիմնական գումարը մարվում է հավասար ամսական վճարներով, իսկ հաշվեգրված տոկոսների գումարը նվազում է հիմնական գումարի մարմանը զուգընթաց: Այսպիսով, վարկի մարման ողջ ժամանակահատվածում ընդհանուր ամսական վճարումները նվազում են:

Կամ

• Վարկի հիմնական գումարը և հաշվեգրված տոկոսները մարվում են հավասարաչափ ամսական վճարումների (անուիտետային) սկզբունքով` վարկի մարման ողջ ժամանակահատվածի ընթացքում փոփոխվում են և' վարկի մայր գումարի գծով վճարումները և' հաշվեգրված տոկոսների գումարները, սակայն վարկի գծով ամսական ընդհանուր վճարումների մեծությունը մնում է հաստատուն: Ամսական վճարները կատարվում են յուրաքանչյուր ամիս`վարկի տրամադրման ամսաթվի օրը:

Նշում` Հաշվեգրված տոկոսագումարները ենթակա են մարման ՀՀ դրամով` վարկի ամսական վճարների հետ միաժամանակ:

¹ Վարկառուի նվազագույն տարիքը պետք է լինի 21 տարեկան: Վարկառուի տարիքի և վարկի ժամկետի հանրագումարը չի կարող գերազանցել 65 տարին:
² Կախված վարկի ռիսկայնության գնահատումից`վարկի դիմումը կարող է հաստատվել ավելի բարձր տոկոսադրույքով: