Ավտոտրանսպորտային միջոցների ապահովագրություն

Ինչու՞ ապահովագրել Ձեր ավտոմեքենան

Ապահովագրելով Ձեր ավտոմեքենան` Դուք պաշտպանվում եք մի շարք ռիսկերից, որոնք կարող են սպառնալ անձամբ Ձեզ` որպես վարորդի, Ձեր ավտոմեքենային, ինչպես նաև Ձեր մեքենայի ուղևորներին:

Ապահովագրվող ռիսկերի փաթեթ

Ավտոտրանսպորտային միջոցների ապահովագրության փաթեթը ներառում է հետևյալ ռիսկերը.

• Բաժին I – Ֆիզիկական վնաս, հրդեհ, գողություն
• Բաժին II – Վարորդի և ուղևորների ապահովագրություն դժբախտ պատահարներից

Փաթեթի Բաժին I-ը ներառում է.

• Ավտոմեքենայի ֆիզիկական վնաս, այդ թվում` ճանապարհատրանսպորտային պատահարի կամ այլ արտաքին ազդեցության հետևանքով, հրդեհի, երրորդ անձանց անօրինական գործողությունների հետևանքով, այդ թվում`գողություն, կողոպուտ, առևանգում

Փաթեթի Բաժին II-ը ներառում է.

• ավտոմեքենայի տնօրինման եւ/կամ շահագործման հետեւանքով վարորդի եւ ուղևորների կյանքին, առողջությանը եւ աշխատունակությանը պատճառված վնասների ծածկույթ

Ձեր ցանկությամբ կարող եք ձեռք բերել ավտոմեքենայի ապահովագրության համապարփակ փաթեթ` երկու բաժինների ծածկույթով, կամ միայն Բաժին I-ը առանձին

Ավտոմեքենայի ապահովագրության պայմանագիրը ձևակերպելու համար անհրաժեշտ են հետևյալ փաստաթղթերը.

• Ապահովադրի անձնագրի պատճեն
• Սեփականատիրոջ անձնագրի պատճեն, եթե սեփականատերը ապահովադիրը չէ
• Մեքենայի տեխնիկական անձնագրի պատճեն
• Մեքենայի գնահատման ակտի, հաշիվ-ապրանքագրի կամ առքուվաճառքի պայմանագրի պատճեն (առկայության դեպքում): Հակառակ դեպքում հիմք է ընդունվում մեքենայի շուկայական արժեքը:

Պայմանագրի ստորագրումից հետո 2 աշխատանքային օրվա ընթացքում ԻՆԳՈ ԱՐՄԵՆԻԱ ԱՓԲԸ աշխատակիցները կկապվեն Ձեզ հետ և կկազմակերպեն Ձեր մեքենայի զննումը: Ապահովագրության պայմանագիրն ուժի մեջ է մտնում միայն զննման անցկացումից հետո:

Առավելություններ

• Էյչ-Էս-Բի-Սի Բանկ Հայաստան ՓԲԸ-ի մասնաճյուղերում կարող եք ձեռք բերել անհատական ֆինանսական և ապահովագրական ծառայությունների լիարժեք փաթեթ: Ձեռք բերեք հայաստանյան ապահովագրական շուկայի առաջատար ընկերություններից մեկի` ԻՆԳՈ ԱՐՄԵՆԻԱ ԱՓԲԸ ապահովագրության վկայագրերը մեր մասնաճյուղերից` խնայելով Ձեր ժամանակն ու ջանքերը:
• Ապահովագրական պատահարի ի հայտ գալու դեպքում ԻՆԳՈ ԱՐՄԵՆԻԱ ԱՓԲԸ-ի փորձառու մասնագետները կաջակցեն Ձեզ` երաշխավորելով Ձեր հայտի կարգավորումը և Ձեզ պատճառված վնասի հատուցումը:

Որքա՞ն արժե ապահովագրությունը

Դուք կարող եք ապահովագրել Ձեր ավտոմեքենան` ամբողջ շուկայական արժեքի կամ դրա մի մասի չափով* (բացառությամբ Էյչ-Էս-Բի-Սի Բանկ Հայաստան ՓԲԸ կողմից տրամադրված վարկերով ձեռք բերված ավտոմեքենաների ապահովագրության, որի դեպքում ապահովագրությունը պետք է իրականացվի մեքենայի շուկայական արժեքի ամբողջ գումարի չափով):

Տարեկան ապահովագրության սակագինը Բաժին I-ում ներառված փաթեթի համար կազմում է ապահովագրական գումարի 2.5%:

Ավտոմեքենայի ապահովագրության համար գործում են հետևյալ ոչ պայմանական չհատուցվող գումարները.

• Ապահովագրական գումարի 1%, ոչ պակաս քան 50,000 ՀՀ դրամ
• Երկու տարուց պակաս վարորդական փորձի դեպքում կիրառվում է չհատուցվող գումարի կրկնապատիկը
• Ապահովագրություն չի տրամադրվում վեց ամսից պակաս վարորդական փորձ ունեցող վարորդներին
• Գողության դեպքում չհատուցվող գումարը կազմում է ապահովագրական գումարի 5%-ը եթե առկա է հակաառեւանգիչ սարքավորում, հակառակ դեպքում` 10%

Տարեկան ապահովագրության սակագինը Բաժին II-ում ներառված փաթեթի համար կազմում է ապահովագրական գումարի 0.1%:

Էյչ-Էս-Բի-Սի Բանկ Հայաստան ՓԲԸ վարկերով ձեռք բերված ավտոմեքենաների համար վարկային պայմանագրի գործողության ընթացքում տարեկան ապահովագրության սակագինը Բաժին II -ում ներառված փաթեթի համար կազմում է ապահովագրական գումարի 0.09%-ը:

Բաժին II-ում ներառված փաթեթի ապահովագրական գումարը ըստ Ձեր ցանկության կարող է կազմել 2մլն, 3 մլն կամ 4մլն ՀՀ դրամ` մեքենայի յուրաքանչյուր նստատեղի համար, ընդ որում ապահովագրությունն իրականացվում է միայն մեքենայի բոլոր նստատեղերի համար:

Կարևոր նշում

«Էյչ-Էս-Բի-Սի Բանկ Հայաստան» ՓԲԸ-ն հանդիսանում է ԻՆԳՈ ԱՐՄԵՆԻԱ ԱՓԲԸ –ի ապահովագրական գործակալ և ներկայացնում է ապահովագրական ծառայությունը ԻՆԳՈ ԱՐՄԵՆԻԱ ԱՓԲԸ–ի անունից և վերջինիս կողմից սահմանված պայմաններով: Ապահովագրական հատուցում վճարելու պահանջները ենթակա են ներկայացման ԻՆԳՈ ԱՐՄԵՆԻԱ ԱՓԲԸ–ին: «Էյչ-Էս-Բի-Սի Բանկ Հայաստան» ՓԲԸ-ն որևէ պատասխանատվություն չի կրում ապահովագրական հատուցումների վճարման հետ կապված:

* Ավտոմեքենայի արժեքի մի մասի չափով ապահովագրության դեպքում ապահովագրական հատուցումը կվճարվի ապահովագրական գումարի և ավտոմեքենայի ամբողջական շուկայական արժեքի համամասնությամբ: