Էյչ-Էս-Բի-Սի Բանկ Հայաստան ՓԲԸ - Սկիզբ
Ավտոտրանսպորտային միջոցների օգտագործումից բխող պատասխանատվության պարտադիր ապահովագրություն (ԱՊՊԱ)
Ձեռք բերեք ԱՊՊԱ և ԿԱՍԿՈ ապահովագրություն` այցելելով մեր մասնաճյուղերից ցանկացածը կամ զանգահարելով Հեռախոսային բանկային կենտրոն
Ավտոտրանսպորտային պատահարների հետևանքով երրորդ անձանց հասցված վնասի փոխհատուցումը կարող է հանգեցնել անկանխատեսելի ծախսերի: Նման դեպքերում ավտոտրանսպորտային միջոցների օգտագործումից բխող երրորդ անձանց նկատմամբ պատասխանատվության ապահովագրություն ձեռք բերելով` Դուք ապահովում եք Ձեր ավտոմեքենայով երրորդ անձանց պատճառված վնասների փոխհատուցումը, որն ապահովագրություն չունենալու դեպքում լրացուցիչ կծանրաբեռներ Ձեր բյուջեն:
ԱՊՊԱ ապահովագրությունը ներառում է
Ավտոտրանսպորտային պատահարի հետեւանքով երրորդ անձանց հասցված վնաս կամ կորուստ, ներառյալ գույքի վնաս եւ մարմնական վնասվածքներ:
Գույքային վնասները ներառում են
- Տուժողի ավտոտրանսպորտային միջոցին հասցված վնաս, ոչնչացում կամ կորուստ,
- Տուժողի ավտոտրանսպորտային միջոցին կամ դրա կցորդին կցված կամ դրանց մեջ գտնվող եւ տուժողին պատկանող գույքի վնաս կամ կորուստ,
- Տուժողին պատկանող այլ գույքի վնաս կամ կորուստ
Անձնական վնասները ներառում են
- Տուժողի առողջությանը պատճառված վնասներ
- Կորցրած աշխատավարձ (եկամուտներ)
- Տուժողի մահ
Առավելություններ
- Էյչ-Էս-Բի-Սի Բանկ Հայաստան ՓԲԸ-ի մասնաճյուղերում կարող եք ձեռք բերել անհատական ֆինանսական և ապահովագրական ծառայությունների լիարժեք փաթեթ: Ձեռք բերեք հայաստանյան ապահովագրական շուկայի առաջատար ընկերություններից մեկի` Կասկադ Ինշուրանս ԱՓԲԸ ապահովագրության վկայագրերը մեր մասնաճյուղերից` խնայելով Ձեր ժամանակն ու ջանքերը:
- Ապահովագրական պատահարի ի հայտ գալու դեպքում Կասկադ Ինշուրանս ԱՓԲԸ փորձառու մասնագետները կաջակցեն Ձեզ` երաշխավորելով Ձեր հայտի կարգավորումը և Ձեզ պատճառված վնասի հատուցումը:
Ապահովագրության ծածկույթը և սակագները
ԱՊՊԱ սակագները սահմանվում են` ելնելով մեքենայի տեսակից, օգտագործման նպատակից, վարորդի տարիքից և վարորդական ստաժից և մեքենայի շարժիչի հզորությունից (սակագների վերաբերյալ մանրամասներին ծանոթացեք Աղյուսակներ 1, 2 և 3-ում): Սակագները սահմանված են ՀՀ Ավտոապահովագրողների բյուրոյի կողմից և հաստատված ՀՀ կենտրոնական բանկի կողմից:
ԱՊՊԱ ապահովագրության համար գործում է հետևյալ ծածկույթը:
| Ապահովագրական ռիսկ | Ապահովագրական գումար (ՀՀ դրամ) |
|---|---|
| Գույքային վնասներ` ըստ յուրաքանչյուր պատահարի | 1,8 մլն |
| Անձնական վնասներ` ըստ յուրաքանչյուր տուժողի | 3,3 մլն |
| Անձնական վնասներ` ըստ յուրաքանչյուր պատահարի | 10,0 մլն |
| Ընդամենը մեկ պատահարի համար |
11,8 մլն |
ԱՊՊԱ ապահովագրության դեպքում չհատուցվող գումար չի կիրառվում:
ԱՊՊԱ ապահովագրության պայմանագիրը ձևակերպելու համար անհրաժեշտ են հետևյալ փաստաթղթերը.
- Ապահովադրի անձնագրի, սոցիալական քարտի եւ վարորդական վկայականի պատճենները
- Լիազորված վարորդների անձնագրերի, սոցիալական քարտերի եւ վարորդական վկայականների պատճեները
- Մեքենայի տեխնիկական անձնագրի պատճեն
- Եթե Ապահովադիրը մեքենայի սեփականատերը չէ, ապա Ապահովադրի իրավասությունները հաստատող փաստաթուղթ (լիազորագիր, լիզինգի պայմանագիր, առքուվաճառքի պայմանագիր եւ այլն)
ԱՊՊԱ պայմանագիր ձեռք բերելու դեպքում ավտոմեքենայի զննումը պարտադիր չէ:
Կարևոր նշում
«Էյչ-Էս-Բի-Սի Բանկ Հայաստան» ՓԲԸ-ն հանդիսանում է Կասկադ Ինշուրանս ԱՓԲԸ –ի ապահովագրական գործակալ և ներկայացնում է ապահովագրական ծառայությունը Կասկադ Ինշուրանս ԱՓԲԸ–ի անունից և վերջինիս կողմից սահմանված պայմաններով: Ապահովագրական հատուցում վճարելու պահանջները ենթակա են ներկայացման Կասկադ Ինշուրանս ԱՓԲԸ–ին: «Էյչ-Էս-Բի-Սի Բանկ Հայաստան» ՓԲԸ-ն որևէ պատասխանատվություն չի կրում ապահովագրական հատուցումների վճարման հետ կապված:
