Էյչ-Էս-Բի-Սի Բանկ Հայաստան ՓԲԸ - Սկիզբ
Բանկային երաշխիքների տեսակներ
Բանկը կարող է թողարկել ԲԵ-ներ և ՊԱ-ներ` երաշխավորելու տարբեր պայմանագրերի ներքո Ձեր կողմից ստանձնած պարտավորությունները:
Հիմնական առանձնահատկությունները
- Կարող են երաշխավորվել ինչպես ֆինանսական, այնպես էլ ոչ ֆինանսական պարտավորություններ
- Հանդիսանում են իրենց հիմքում ընկած առևտրային պայմանագրերից անկախ գործարքներ
- Գումարի վճարումը կատարվում է ԲԵ-ի և ՊԱ-ի պայմաններին համապատասխան, Շահառուի կողմից նախօրոք սահմանված ձևով պահանջի ներկայացման դեպքում, անկախ գործարքի հիմքում ընկած առևտրային պայմանագրից բխող պահանջներից
- Շնորհիվ իրենց ճկունության ԲԵ-ները և ՊԱ-ները կարող են կիրառվել բազմաթիվ ռիսկերի ծածկման համար
- Երաշխիքների տեքստերը նախապես համաձայնեցվում են գործարքի բոլոր կողմերի պահանջներին: Երաշխիքների տեքստերի ձևանմուշների և միջազգային կանոնների վերաբերյալ Բանկը կարող է Ձեզ տրամադրել խորհրդատվություն (Ցպահանջ երաշխիքների միասնականացված կանոններ, ԱՄՊ թիվ 458 հրատարակություն, Պահուստային ակրեդիտիվների միջազգային սովորույթներ, ԱՄՊ թիվ 590 հրատարակություն)
- Հանդիսանալով Էյչ-Էս-Բի-Սի խմբի անդամ` երաշխիքների թողարկումը հնարավոր է իրականացնել աշխարհի ցանկացած երկրում` Խմբի անդամ բանկերի միջոցով
Բանկային երաշխիքների տեսակներ
Մրցութային (Տենդերային) երաշխիքներ
Հաճախ պահանջվում են մրցութային պարտավորությունների կատարման համար: Եթե մրցույթի մասնակիցը հրաժարվում է կատարել մրցույթի պայմաններից բխող ցանկացած պարտավորություն, ապա Շահառուն իրավունք է ստանում բանկից պահանջել երաշխիքում նշված գումարը:
Կատարման երաշխիքներ
Երաշխիքների ամենատարածված տեսակներից է և կիրառվում է բազմաթիվ պայմանագրային հարաբերություններում: Սովորաբար պահանջվում է պայմանագրի մշակման նախնական փուլում և վավերական է պայմանագրի գործողության ողջ ընթացքում:
Կանխավճարային երաշխիքներ
Թողարկվում են պայմանագրերի ներքո կանխավճարի ստացման դեպքերում և կիրառվում են պայմանագրային պարտավորությունների ձախողման հետևանքով կանխավճարի գումարները վերականգնելու նպատակով:
Վճարային երաշխիքներ
Թողարկվում են պայմանագրի ներքո ապրանքների կամ ծառայությունների դիմաց վճարման պարտավորություների ապահովման նպատակով:
Ֆինանսական երաշխիքներ
Հիմնականում թողարկվում են այլ երկրներում դուստր/փոխկապակցված ընկերությունների համար ֆինանսավորում ստանալու նպատակով:
Հանդիպակաց երաշխիքներ
Թողարկվում են մեկ այլ բանկի կողմից տրամադրված ԲԵ-ի հիման վրա: Լայն տարածում ունեն միջազգային առևտրային գործարքներում
