Էյչ-Էս-Բի-Սի Բանկ Հայաստան ՓԲԸ - Սկիզբ
Էյչ-Էս-Բի-Սի Խումբ
Մենք Ձեր Բանկն ենք ամբողջ աշխարհում
Էյչ-Էս-Բի-Սի-ն հանդիսանում է աշխարհի ֆինանսական և բանկային ծառայություններ մատուցող խոշորագույն կազմակերպություններից մեկը, որի գլխամասային գրասենյակը գտնվում է Լոնդոնում: Էյչ-Էս-Բի-Սի-ի միջազգային ցանցը բաղկացած է աշխարհի 87 երկրներում և տարածքներում սփռված ավելի քան 7,500 գրասենյակներից, որոնք գտնվում են Եվրոպայում, Ասիայում, Խաղաղօվկիանոսյան ավազանում, Հյուսիսային և Հարավային Ամերիկաներում, Մերձավոր Արևելքում և Աֆրիկայում: Էյչ-Էս-Բի-Սի Հոլդինգս փի-էլ-սի-ի բաժնետոմսերը պատկանում են ավելի քան 100 երկրներում գտնվող 200,000 բաժնետերերի և գնանշված են Լոնդոնի, Հոնկոնգի, Նյու Յորքի, Փարիզի և Բերմուդայի բորսաներում: Էյչ-Էս-Բի-Սի - ն մատուցում է համապարփակ ֆինանսական ծառայություններ ավելի քան 100 միլիոն հաճախորդների:
Խմբի պատմությունը Էյչ-Էս-Բի-Սի խումբն ունի միջազգային ճանաչում, որը յուրօրինակ է: Խմբի մեջ մտնող խոշոր կազմակերպություններից շատերն իրենց գործունեությունը սկսել են դեռ մեկ դար առաջ` ձեռք բերելով բազմաթիվ հաջողություններով լի հարուստ պատմություն: Էյչ-Էս-Բի-Սի խումբ անվանումը կապված է իր հիմնադիր անդամի` Հոնկոնգ և Շանհայ Բանկային Կորպորացիայի հետ, որը հիմնադրվել է 1865-ին` Չինաստանի և Եվրոպայի միջև` առևտրի ֆինանսավորումն ապահովելու նպատակով:
Օգտակար հղումներ
Մեր սկզբունքները և արժեքները Էյչ-Էս-Բի-Սի Խումբն ունի գործունեության հինգ առաջնային սկզբունքներ
- հաճախորդների սպասարկման գերազանց մակարդակ;
- էֆեկտիվ և արդյունավետ գործառնություն;
- հզոր կապիտալ և իրացվելիություն;
- վարկերի տրամադրման կշռադատված քաղաքականություն;
- ծախսերի խստապահանջ կարգապահություն
Մեր գործունեության սկզբունքների իրականացումը հենված է նվիրված աշխատակազմի վրա, որը նպաստում է հաճախորդների հետ երկարատև հարաբերությունների հաստատմանը և տարբեր երկրներում համախմբված աշխատանքի իրականացմանը:
Էյչ-Էս-Բի-Սի-ն նաև գործում է հետևյալ հիմնական արժեքների հիման վրա`
- բոլոր մակարդակներում անձնակազմի պարկեշտության բարձր աստիճան;
- գործարքների արդարացի և ազնիվ վարում;
- հսկողություն բոլոր մակարդակներում;
- որակի և պրոֆեսիոնալիզմի առաջնահերթություն;
- նվազագույն վարչարարություն;
- արագ լուծումներ և դրանց իրականացում;
- թիմի շահերը անձնական շահերից ավելի բարձր դասելու մոտեցում;
- համապատասխան եղանակներով իրավասությունների լիազորում և հաշվետվություն;
- արդար և օբյեկտիվ գործատու;
- բազմազան աշխատակազմ` ձևավորված հավաքագրման/ /ընտրության/առաջխաղացման արդարացի սկզբունքների հիման վրա;
- գործունեության համապատասխանություն օրենքների տառին և ոգուն` ցանկացած երկրում;
սոցիալական պատասխանատվության իրագործում` վարկերի և ներդրումների մանրազնին գնահատման, կայուն զարգացման և շրջակա միջավայրի պահպանության առաջխաղացման, տեղական համայնքների զարգացմանն աջակցելու միջոցով:
