Արտարժութային գործարքներ

Արտարժութային գործարքներ

Էյչ-Էս-Բի-Սի-ն ամբողջ աշխարհում հանդես է գալիս շուկա ստեղծողի առաջատար դիրքերում, տրամադրելով արտարժույթի առք/վաճառքի բարձր մրցունակ գներ, օրական 24 ժամ, հաճախորդների համար հասանելի դարձնելով միջազգային ֆինանսական շուկաներին ուղղակի մուտք գործելու առավելությունը:

Մեր բանկի բազմամյա փորձն ու ռեսուրսները հնարավորություն են տալիս հաճախորդներին առաջարկել արտարժութային շուկայի ծառայություններ, ինչպես նաև արտարժույթի փոխարժեքի տատանումներից ծագող ու բիզնեսի վրա բացասաբար անդրադարձող ռիսկերի հնարավոր նվազեցման և կառավարման գործիքներ: Էյչ-Էս-Բի-Սի Բանկ Հայաստանը իր հաճախորդներին առաջարկում է սփոթ և ֆորվարդային գործարքներ` հիմնական արտարժույթներով և որոշ զարգացող երկրների արժույթներով:

Սփոթ գործարքը արտարժույթի առքի կամ վաճառքի պարտավորություն է ընթացիկ շուկայական գնով մինչև երկու օր վճարման ժամկետով:

Առավելություններ

  • Գործարքի նվազագույն սահմանաչափի բացակայություն
  • Արտարժույթի փոխանակման զրոյական միջնորդավճար
  • Տարատեսակ արժույթներ
  • Թափանցիկ և բարձր մրցունակ գներ

Փոխարժեքի ռիսկի հնարավոր նվազեցման պարզագույն տարբերակներից մեկը ֆորվարդային գործիքն է: Ֆորվարդային պայմանագիրը բանկի և հաճախորդի միջև պայմանագրային պարտավորություն է գնել կամ վաճառել որոշակի քանակությամբ արտարժույթ նախապես ֆիքսված օր/ամսաթվին, նախապես ֆիքսված փոխարժեքով:

Առավելություններ

  • Պաշտպանություն փոխարժեքի անբարենպաստ փոփոխություններից
  • Պայմանագրային պարտավորություն գործարք իրականացնել նախապես ֆիքսված օր/ամսաթվին
  • Կանխիկ հոսքերի որոշակիության ապահովում և եկամտի պաշտպանություն
  • Միջնորդավճար չի կիրառվում

Մենք տրամադրում ենք Արտարժութային ֆորվարդային պայմանագրեր բոլոր հիմնական արտարժույթներով և որոշակի զարգացող երկրների արժույթներով, ներառյալ` USD, EUR, GBP, RUB, CHF, CAD, AUD, AED, CNY, JPY :

Ունե՞ք հարցեր

Զանգահարեք Էյչ-Էս-Բի-Սի բանկի մասնագետներին`
+374 60 655 000

Մեր հեռախոսային կենտրոնն աշխատում է շուրջօրյա

Ծանոթացեք արտարժույթի փոխանակման մեր փոխարժեքներին

Թարմացվել է` 22/09/2015 15:00